بەپێی فەرمانێک کە سەرۆکی ڕووسیا ڤلادیمیر پوتن واژۆی کرد، ئێستا ئۆکرانییەکان دەتوانن داوای وەرگرتنی ڕەگەزنامەی ڕووسی بکەن.
پێشتر ئەم بژاردەیە تەنها بۆ ئەو ئۆکرانییانە بوو کە لە هەرێمەکانی دۆنێتسک و لوهانسکی ڕۆژهەڵات و هەرێمەکانی زاپۆریژا و خێرسۆنی باشووری ئۆکرانیا دەژیان، کە لە ئێستادا زۆرینەی ئەو ناوچانە لەژێر دەسەڵاتی ڕووسیادان.
هێشتا ڕوون نیە چەند کەس دەتوانن داوای وەرگرتنی ڕەگەزنامەی ڕووسی بکەن، بەڵام لە نێوان ساڵی 2019 و ساڵی 2022 دا لە سەدا 18 ی دانیشتوانی ئەو ناوچانەی ڕۆژهەڵاتی ئۆکرانیا کە جیاخوازەکانی سەر بە ڕووسیا کۆنتڕۆڵییان کردووە پاسپۆرتی ڕووسییان وەرگرتووە.
لە مانگی پێنجدا بڕیارەکە دانیشتوانی هەرێمەکانی زاپۆریژا و خێرسۆنیشی گرتەوە.
بەرپرسانی ئۆکرانیا تاوەکو ئێستا لێدوانییان لەسەر بڕیارەکەی پوتن نەداوە.
سەرچاوە/ دەنگی ئەمەریکا
پوتن فەرمانێکی واژۆ کرد تیایدا ڕەگەزنامەی ڕووسی پێشکەشی سەرجەم ئۆکرانییەکان دەکات
![سەرۆکی ڕووسیا ڤلادیمیر پوتن](https://gdb.voanews.com/413ed769-6896-4456-8d35-91424e4c1dee_w250_r1_s.jpg)