بەرپرسێکی باڵای دوورگەی کرایمییەی ئۆکرانیا کە ڕووسیا گرتوویەتییە خۆی دەڵێت ئۆکرانیا هێرشەکەی سەر کەشتیگەلی ڕووسیای لەڕێی فڕۆکەیەکی بێفڕۆکەوانەوە ئەنجامداوە، بەهۆی هێرشەکەوە پێنج کەس بریندار بوون و ڤیستیڤاڵەکانی ڕۆژی دەریایی ڕووسیا هەڵوەشێندراونەتەوە.
فەرمانڕەوای سیڤاستۆپۆڵ میخایل ڕازڤۆژایڤ کە ماڵی کەشتیگەلی دەریای ڕەشی ڕووسیایە، گوتی " شتێکی نەناسراو فڕیوەتە ناو حەوشەی بارەگای کەشتیگەلەکەوە."
گوتیشی " بەپێی زانیارییە سەرەتاییەکان فڕۆکەیەکی بێفڕۆکەوان بووە. ئۆکرانیا بڕیاریدا ڕۆژی دەریایی تێک بدات لێمان."
ڕازڤۆژایڤ گوتی پێنج کارمەندی بارەگاکە برینداربوون و دەزگای ئاسایشی فیدڕاڵ لێکۆڵینەوە لە بارودوخەکان دەکات.
گوتیشی " سەرجەم ئاهەنگگێڕانەکان بەهۆی هۆکاری ئاسایشەوە هەڵوەشێندرانەوە. تکایە ئارام بن و ئەگەر دەتوانن لە ماڵەوە بمێننەوە."
سەرچاوە/ ڕۆیتەرز
بەرپرسانی ڕووسیا دەڵێن ئۆکرانیا هێرشەکەی سەر کەشتیگەلی ڕووسیای لە دەریای ڕەش ئەنجامداوە
