Accessibility links

ڕوسیا: یارمەتی ڤەنزوێلا و کوبا دەدەین لە ڕووبەڕووبوونەوەی سزاکانی ئەمەریکادا


جێگری وەزیری دەرەوەی ڕوسیا سێرگەی ڕیابکۆڤ

دەزگای ڕاگەیاندنی ڕوسیا لە زاری جێگری وەزیری دەرەوەی ڕوسیا سێرگەی ڕیابکۆڤەوە بڵاویکردوە مۆسکۆ سزا نوێیەکانی ئەمەریکا بۆ سەر ڤەنزوێلا و کوبا بە نایاسایی دەزانێت و بەنیازە هەموو هەوڵێکی خۆی بدات بۆ یارمەتیدانی هاوپەیمانەکانی لە کاراکاس و هاڤانا.

ڕاوێژکاری ئاسایشی نیشتیمانی ئەمەریکا جۆن بۆڵتن ڕۆژی چوارشەممە زنجیرەیەک سزای نوێی بەسەر کوبا و ڤەنزوێلادا ڕاگەیاند لەکاتێکدا بەڕێوبەرایەتیەکەی ئەمەریکا هەوڵدەدات فشارەکان بۆ سەر حکومەتەکەی نیکۆلاس مادورۆ و ئەو وڵاتانەی پشتیوانی دەکەن زیاد بکات تاوەکو دەستبەرداری دەسەڵات ببێت.

لە مانگی یەکدا ڕابەری ئۆپۆزسیۆنی ڤەنزوێلا خوان گوایدۆ خۆی وەکو سەرۆکی کاتی وڵاتەکە ڕاگەیاند و وتی هەڵبژاردنەکانی سەرۆکایەتی ساڵی 2018 کە مادورۆ تیایدا دەسەڵاتی گرتەوە دەست نایاسایی بووە. زۆربەی وڵاتانی ڕۆژئاوا گوایدۆیان وەکو سەرۆکی وڵاتەکە ناساند بەڵام ڕوسیا و چین و کوبا هێشتا پشتیوانی لە مادورۆ دەکەن.

هەروەها زیاتر لە سێ ملیۆن هاوڵاتی ڤەنزوێلا ماڵەکانیان بەجێهێشتووە و هەڵهاتوون بەهۆی قەیرانی ئابووری و سیاسیی و کەمی خۆراک و دەرمان لە وڵاتەکەدا.

سەرچاوە/ ڕۆیتەرز

XS
SM
MD
LG