Accessibility links

کاردانەوە بەرانبەر بە بریاری كشانه‌وه‌ی ئه‌مریكا له‌ سوریا


هەڵەبجە

بڕیاری کشانەوەی ئەمەریکا لە کاتێکدایە کە هێشتا ناوچەیەک لە باشوری ڕۆژهەڵاتی سوریا بە دەست چەکدارانی داعش ماوەتەوە کە ژمارەیان بە هەزاران مەزەندە دەکرێن.

بڕیاری کشانەوەی ئەمەریکا لە سوریا نیگەرانی هاوڵاتیانی هەڵەبجەی لێدەکەوێتەوە و دەڵێن ئەمەریکا لە ڕابردوودا پشتیوانێکی گەورەی کورد بووە و بڕیاری کشانەوەی لە ئیستادا مەترسیـیەکی زۆری بۆ سەر ئارامی ناوچەکە هەیە و ئه‌گه‌ری هەیە داعش زیندوو ببێتەوە و هێزە کوردیـیەکانی سوریا بکەونە بەر هێرشی تورکیا و جارێکی تر کورد دووچاری ئاوارەیی و دەربەدەری ببێتەوە.

ئه‌نه‌س صالحه‌دین یه‌كێكه‌له‌کوردانی ئاواره‌ی سوریا کە ئێستا لە هەڵبجە نیشتەجێی ده‌ڵێت ئەمەریکا پشتوانێکی گەورەیان بووە، بەڵام کشانەوەی زیانێکی گەورە بە کورد و پێگەکەی لە سوریادا دەگەێنێت.

سۆران حه‌سه‌ن یه‌كێكه‌له‌هاوسەرۆکانی تەڤگەری ئازادی لە کوردستان لە لیدوانێکدا بۆ دەنگی ئەمەریکا دەڵێت کە مانەوەی ئەمەریکا لەم دۆخەدا پێویستە و دوورکەوتنەوەی ئەمەریکا وەها دەکات گروپە تیرۆرستیەکان زیاتر گەشەبکەن.

کاربەدەستانی ئەمەریکا پـێشتر ڕایانگەیاندبوو لە سوریا ناکشێنەوە هەتا ئەو کاتەی داعش بە تەواوی لەناودەبرێت و سەقامگیری ناوچەکە دەگرێتەوە و ئێران و هێزەکانی سەر بە ئێران سوریا جێدەهێڵن.

please wait

No media source currently available

0:00 0:03:15 0:00

XS
SM
MD
LG