Accessibility links

وەزارەتی بەرگری قەتەر ڕایگەیاند لە چوارچێوەی هاوکاری لەشکری نێوان قەتەر و تورکیا ژمارەیەک تۆپی تۆپـخانەی لەشکری تورکیا گەیشتوونەتە وڵاتەکەی.

وەزارەتەکە ئەمڕۆ چوارشەممە ئەمەی لە تویتەرەکەی ڕاگەیاند و دەڵێت ژمارەیەک ئەفسەر و سەرباز لەگەڵ ئەو تۆپە قورسانەن. بەپـێی ئاژانسی دەنگ‌وباسی ئانادۆلوی تورکیا 28 ئەفسەر و سەربازن.

دوێنێ سێشەممەش وەزارەتی بەرگری قەتەر ڕایگەیاند کاروانی شەشەمی لەشکری تورکیا گەیشتوونەتە قەتەر.

هەردوو وڵات دەڵێن ئامانج لە ناردنی ئەم هێزانە مانۆڕی لەشکری هاوبەشە لەگەڵ مەشق و ڕاهێنان بە هێزەکانیان.

لەوەتای عەرەبستانی سعودیـیە و ئیمارات و بەحرەین و میسر پەیوەندیـیەکانیان لەگەڵ قەتەر بڕیوە، ئەنکەرە پەیوەندیـیەکانی لەگەڵ دۆحە پتەوترکردووە.

ئەو چوار وڵاتە دۆحە تاوانباردەکەن بەوەی کۆمەکی تێرۆردەکات، دەڵێن هەتا دەستبەرداری گروپە تێرۆرستیـیەکان نەبێت پەیوەندیـیەکانی لەگەڵ ئاسایی ناکەنەوە.

XS
SM
MD
LG