قەتەڕ ڕایگەیاند باڵیۆزی ولاتەکەی لە ئێران دەنێریتەوە بۆ تاران دوای ئەوەی لە مانگی یەکی ساڵی ڕابردوودا سعودیە پەیوەندییەکانی لەگەڵ ئێراندا بڕی و قەتەڕیش باڵیۆزی وڵاتەکەی لە ئێران کشانەوە.
ئۆفیسی ڕاگەیاندنی وەزارەتی دەرەوەی قەتەڕ لە بەیاننامەیەکدا ڕایگەیاند " دەوڵەتی قەتەڕ ڕایگەیاند باڵیۆزی وڵاتەکەی لە ئێران دەگەڕێتەوە بۆ ئەنجامدانی ئەرکە سیاسییەکانی."
لە بەیاننامەکەدا دەشڵێت " دەوڵەتی قەتەڕ بەپەرۆشەوەیە بۆ باشکردنی پەیوەندییە دووقۆڵییەکان لە هەموو ڕووەکانەوە لەگەڵ کۆماری ئیسلامی ئێراندا."
ئەمەش دوای ئەوە دێت کە سعودیە و ئیمارات و میسڕ و بەحرەین پەیوەندییەکانیان لەگەڵ قەتەڕدا بڕی و بە تۆمەتی پشتیوانیکردن لە تیرۆر و ئێران تۆمەتبارییان کرد و هەتاکوو ئێستاش پەیوەندییەکانی نێوان ئەو وڵاتانە و قەتەڕ باش نەبۆتەوە.
سەرچاوە/ ڕۆیتەرز