Accessibility links

ڕۆیتەرز: قەتەر لەگەڵ ئێران و تورکیا لە وتووێژدایە بۆ دابینکردنی خۆراک و ئاو بۆ خەڵکەکەی

  • VOA News

بەپـێی ئاژانسی دەنگ‌وباسی ڕۆیتەرز وڵاتی قەتەر وتووێژدەکات لەگەڵ ئێران و تورکیا بە مەبەستی دابینکردنی ئاو و خۆراک بۆ خەڵکەکەی، ئەمەش پاش دوو ڕۆژ لەوەی عەرەبستانی سعودیـیە و ئیمارات و چەند وڵاتێـکی دیکە پەیوەندی دیپـلۆماسی و ئابوریـیان لەگەڵیدا بڕی.

کاربەدەسـتێـک لە حکومەتی قەتەر کە نەیویستووە ناوەکەی ئاشکرابکرێت، بە ڕۆیتەرزی گوتووە دۆحە لەگەڵ تاران و ئەنکەرە لە وتووێژدایە بۆ ئەم مەبەستە و هێڵی ئاسمانی قەتەر هەڵدەستێت بە گواستنەوەی ئەو پـێداویستیانە.

گوتوشیەتی لە ئێستادا بەشی چوار هەفتە دانەوێڵە لە بازاڕەکانی قەتەردا هەن و خۆراکێکی زۆریش لە دۆحە عەمبارکراوە.

جێی ئاماژەیە لەوەتای ڕۆژی دووشەممەوە ژمارەیەک وڵاتی عەرەبی پەیوەندیـیەکانیان لەگەڵ قەتەردا بڕیوە، ترس و دڵە ڕاوێکی خەڵکی ئەو وڵاتەی گرتووەتەوە و کەوتوونەتە کڕینی بڕێکی زۆری پێداویستە سەرەکیـیەکانی خۆراک. قەتەر نزیکەی 40% ی پـێداویستیـیە خۆراکیـیەکانی لە عەرەبستانی سعودیـیە هاوردە دەکرد.

XS
SM
MD
LG