دیوانی شازادەی قەتەڕ لە بەیاننامەیەکدا ڕایگەیاند شازادەی قەتەڕ وەزیری دارایی وڵاتەکەی لەکارەکەی دوورخستۆتەوە.
لە بەیاننامەکەدا هاتووە دەڵێت " دوورخستنەوەی بەڕێز عەلی شەریف عومادی وەزیری دارایی لە کارەکەی، ئەرکی وەزارەتەکە ڕادەستی بەڕێز عەلی بن ئەحمەد کەواری وەزیری بازرگانی و پیشەسازی دەکرێت، لەگەڵ ئەرکەکانی خۆیدا کارەکانی وەزارەتی داراییش ڕادەپەڕێنێت."
لە ماوەی ڕابردوودا دادوەری گشتی فەرمانی دەستبەسەراگرتنی عومادی دەرکرد تاوەکو لێپێچینەوەی لەگەڵدا بکرێت لەسەر " کۆمەڵێک تاوانی پەیوەست بە کاری گشتیەوە و هەروەها ئەو کارانەی بوونەتە هۆی زیانگەیاندن بە سامانی گشتی و سوودوەرگرتن لە پۆستەکەی و خراپ بەکارهێنانی دەسەڵاتەوە."
سەرچاوە/ ڕۆیتەرز