دره‌نگانێکی ڕۆژی شه‌ممه پاش کۆتایی هاتنی کۆبونه‌وه‌که‌یان ، هه‌رسێ لایه‌نه‌که‌ی ئۆپزسیۆن له هه‌رێمی کوردستانی عێراقدا ڕاگه‌یاندنێکی هاوبه‌شیان بڵاو کرده‌وه.
قادری حاجی عه‌لی ، ئه‌ندامی باڵای بزووتنه‌وه‌ی گۆڕان ده‌ڵێت ئه‌و ڕاگه‌یاندنه خستنه ڕووی دیدوبۆچونی هاوبه‌شی لایه‌نه‌کانی ئۆپزسیۆنه له‌سه‌ر ڕووداوه‌کانی هه‌رێمه‌که و ده‌شڵێت نابێت وه‌ک مه‌رج بۆ دیالۆگی نێوان ده‌سه‌ڵات و ئۆپزسیۆن لێی بڕوانرێت.
له میانه‌ی گفت و گۆکه‌یدا له‌گه‌ڵ هاوکارامان به‌ڵێن ساڵح ، قادری حاجی عه‌لی ده‌شڵێت هیواداره دیالۆگ بکرێت و ئه‌گه‌ر هات و دیالۆگیش نه‌کرا ئه‌وا ڕه‌وشه‌که ڕووه‌و خراپتر ده‌ڕوات و ده‌شڵێت ئه‌و هه‌موو هێزه سه‌ربازیه چ پێویست ده‌کات بهێنرێنه ناو شاری سلێمانی و ناوچه‌کانی سه‌ر به پارێزگای سلێمانی.
ده‌توانن له ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبیستی ته‌واوی گفت و گۆکه بن که ماوه‌که‌ی 6:05 خوله‌که.
