Accessibility links

ئوسامه: ڕێکه‌وتنی سیاسی هه‌یه که‌ به‌ هیچ شێوه‌یه‌ک به‌غدا ته‌داخول له‌ که‌روباری کوردستان نه‌کات


ئوسامه: ڕێکه‌وتنی سیاسی هه‌یه که‌ به‌ هیچ شێوه‌یه‌ک به‌غدا ته‌داخول له‌ که‌روباری کوردستان نه‌کات
ئوسامه: ڕێکه‌وتنی سیاسی هه‌یه که‌ به‌ هیچ شێوه‌یه‌ک به‌غدا ته‌داخول له‌ که‌روباری کوردستان نه‌کات

سه‌باره‌ت به‌ مه‌سه‌له‌ی کشانه‌وه‌ی هێزه‌کانی ئه‌مه‌ریکا له‌ عێراق که‌ بڕیاره‌ تا کۆتایی ئه‌مساڵ ته‌واوی ئه‌و هێزانه‌ بکشێنه‌وه‌. هه‌روه‌ها له‌سه‌ر پشتیوانی کومه‌ڵه‌ عێراقییه‌کان له‌ حکومه‌ته‌که‌ی مالکی، ئوسامه‌ جه‌میل ئه‌ندامی په‌ڕله‌مانی عێراق سه‌ر به لیستی یه‌کگرتووی ئیسلامی کوردستان له‌ وتووێژێکدا له‌ گه‌ڵ هاوکارمان حه‌یده‌ر که‌ریم ده‌ڵێت پێموایه‌ ئه‌و بارودۆخه‌ی ئێستا که‌ عێراق پێدا ده‌ڕوات هه‌روه‌ها ئه‌و ڕه‌وشه‌ی که‌وا ناوچه‌ی ڕۆژهه‌ڵاتی نێوه‌ڕاست به‌ گشتی پێدا تێده‌په‌رێت. بێجگه‌ له‌وه‌ش عێراق ده‌وره‌ دراوه‌ به‌ چه‌ند وڵاتێک که‌وا هه‌موویان جۆرێک له‌ ململانێی مێژووی و که‌لتووری و سیاسی و عه‌سکه‌رییان له‌گه‌ڵ عێراقدا هه‌یه‌، پێویست به‌وه‌ده‌کات که‌وا هێزی ئه‌مه‌ریکا تا ماوه‌یه‌کی دیکه‌ له‌ عێراقدا بمێنێته‌وه‌.

په‌رله‌مانتا‌ر ئوسامه‌ جه‌میل گوتی کوردیش له‌سه‌ر بنه‌مای به‌رژه‌وه‌ندی هاوپه‌یمانی کوردستانی که‌ ئه‌وان کۆمه‌ڵێک به‌رژه‌وه‌ندی سیاسی و ئابووری به‌هێزیان له‌گه‌ڵ حکومه‌تی به‌غدادا هه‌یه‌، بۆ نموونه‌ ڕێکه‌وتنیان هه‌یه‌ که‌وا به‌غدا به‌ هیچ شێوه‌یه‌ک ته‌داخول له‌ کاروباری کوردستاندا نه‌کات، له‌ مه‌سه‌له‌ی نه‌وت فرۆشتن له‌ گرێ به‌سته‌ نه‌وته‌کان به‌غدا ئێستا چاوپۆشی ده‌کات له‌ کوردستان چۆن گرێبه‌ست ده‌به‌ستێت چۆن ده‌یفرۆشیت. به‌ هه‌مان شێوه‌ش کوردیش له‌ هه‌ڵه‌کانی مالیکی چاوپۆشی ده‌کات له‌ به‌غدا و پشتگیری ده‌کات، بۆیه‌ ده‌توانم بڵێم ئه‌وه‌نده‌ی به‌رژه‌وه‌ندییه‌ ئابوورییه‌کان کوردی به‌ نوری مالیکی به‌ستۆته‌وه‌ ئه‌وه‌نده‌ به‌رژه‌وه‌نده‌ سیاسییه‌کان نه‌یبه‌ستۆته‌وه‌، چونکه‌ تا ئێستا باس له‌مه‌سه‌له‌ی ماده‌ی 140 ناکرێت باس له‌مه‌سه‌له‌ی پێشمه‌رگه‌ ناکرێت تا ئێستا باس له‌مه‌سه‌له‌ یه‌کلایی کردنه‌وه‌ی ناوچه‌ ناکۆکه‌کان ناکرێت. ئه‌مانه‌ هه‌موویان دوواخراون و باسیان لێوه‌ ناکرێت.

ده‌توانن گوێبیسـتی ده‌قی گفتوگۆكه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 11:44 خوله‌كه‌.

بابه‌تی په‌یوه‌ندیدار

XS
SM
MD
LG