Accessibility links

سەڵتەنەتی عومان هەوڵی ناوبژیوانی نێوان ئەمەریکا و ئێران دەدات


یوسف بن عەلەوی بن عەبدوڵڵا، وەزیری دەرەوەی سەڵتەنەتی عومان

وەزیری دەرەوەی سەڵتەنەتی عومان دەڵێت وڵاتەکەی لەگەڵ لایەنی دیکە هەوڵی هێورکردنەوەی گرژیـیەکانی نێوان ئەمەریکا و ئێران دەدەن.

یوسف بن عەلەوی بن عەبدوڵڵا لە لێدوانیدا بۆ ڕۆژنامەی (الشرق الأوسط) ئەمەی ئاشکراکردووە و گوتویەتی هەوڵێکی زۆر بۆ ئەم مەبەستە دەدەن و لە ئێستادا پەیوەندیەکی چڕی بۆ ئەنجام دەدەن. داواشی کرد کۆمەڵی نێودەوڵەتی لەگەڵ عوماندا بەشداری بکات تاوەکو ڕێگری بکەن لە هەڵگیرساندنی شەڕ.

هۆشداریشی دا کە ئەگەربێت و شەڕ هەڵبگیرسێت ڕەنگە زیان بە تەواوی جیهان بکەوێت. گوتیشی هەردوو لایەنی ئەمەریکایی و ئێرانی درک بە مەترسی دۆخەکە دەکەن.

وەزارەتی دەرەوەی عومان هەواڵەکەی پشتڕاستکردەوە و لەسەر تویتەرەکەی بڵاویکردەوە.

یوسف بن عەلەوی ڕۆژی دووشەممەی ڕابردوو لە ڕێگەی بۆ لەندەن، لە تاران وەستا و لەوێ لەگەڵ جەواد زەریف، هاوتا ئێرانیـیەکەی کۆبووەوە.

سەڵتەنەتی عومان پەیوەندی باشی لەگەڵ هەریەک لە ئەمەریکا و ئێران هەیە و لە ڕابردووش ڕۆڵی گرنگی بینیبوو لە گەیشتن بە ڕێکەوتنە ناوکیـیەکە، ئەوەی لە مانگی حەوتی ساڵی 2015 لە ڤیەننا مۆرکرا لە نێوان ئێران و کۆمەڵی نێودەوڵەتی.

XS
SM
MD
LG