Accessibility links

چین و ژاپۆن و کۆریای باشور داوا له‌ کۆریای باکور ده‌که‌ن موشه‌که‌که‌ی هه‌ڵ‌نه‌دات


چین و ژاپۆن و کۆریای باشور به‌رده‌وامن له‌ هاندانی کۆریای باکور بۆ ئه‌وه‌ی پلانه‌ی هه‌ڵوه‌شێنێته‌وه که‌ دایناوه‌ بۆ هه‌ڵدانی موشه‌کێک که‌ ڕه‌نگه‌ له‌ هه‌فته‌ی ئاینده‌دا ئه‌نجامی بدات.

سێ وه‌زیرانی ده‌ره‌وه‌ی وڵاتانی ئاماژه‌ پێدراو دوێنێ له‌ شاری به‌نده‌ری نینگبۆی سه‌ر به‌ پارێزگای زیاژانگ بۆ ئه‌و مه‌به‌سته‌ کۆبوونه‌وه‌.

شایه‌نی باسه‌ وڵاتانی ژاپۆن و کۆریای باشور هاوڕابوون له‌سه‌ر ئه‌وه‌ی که‌ پلانی هه‌ڵدانی ئه‌و موشه‌که‌ له‌ لایه‌ن کۆریای باکوره‌وه‌ ده‌بێته‌ پـێشێڵكاریه‌کی ڕوون و ڕه‌وانی بڕیاری ئه‌نجومه‌نی ئاسایشی نه‌ته‌وه‌ یه‌کگرتووه‌کان.

هاوکات وه‌زیری ده‌ره‌وه‌ی ژاپۆنی له‌و باره‌یه‌وه‌ گوتی ئه‌گه‌ر پیۆنگ یۆنگ پلانی خۆی بۆ هه‌ڵدانی ئه‌و موشه‌که‌ی به‌ئه‌نجام بگه‌یه‌نێت، ئه‌وا ئه‌و کاره‌ پێشێلیـیه‌کی زه‌قی بڕیاری ئه‌نجومه‌نی ئاسایشی نه‌ته‌وه‌ یه‌کگرتووه‌کانه‌، وه‌ ده‌بێت کۆمه‌ڵگه‌ی نێونه‌ته‌وه‌یی له‌ نێویاندا ئه‌نجومه‌نی ئاسایشی نه‌ته‌وه‌ یه‌کگرتووه‌کان ڕێوشوێنی گونجاو بۆ ئه‌و مه‌به‌سته‌ بگرێته‌به‌ر.

شایه‌نی باسه‌ وته‌بێژی وه‌زاره‌تی ده‌ره‌وه‌ی چین گوتی وڵاته‌که‌ی داوای هێمنی و دان‌به‌خۆگرتن له‌مه‌ڕ ئه‌م مه‌سه‌له‌یه‌ ده‌کات.

XS
SM
MD
LG