Accessibility links

ته‌قینه‌وه‌یه‌ک له‌ نایجیریا 4 کوژراوی لێـده‌که‌وێته‌وه‌


ژنێـک که‌سێـکی له‌ ته‌قینه‌وه‌که‌ی ئابوجای پایته‌ختی نایجیریا له‌ده‌سـتداوه‌، شه‌وی هه‌ینی 31 ی دوازده‌ی 2010
ژنێـک که‌سێـکی له‌ ته‌قینه‌وه‌که‌ی ئابوجای پایته‌ختی نایجیریا له‌ده‌سـتداوه‌، شه‌وی هه‌ینی 31 ی دوازده‌ی 2010

به‌رپـرسـان له‌ نایجیریا ده‌ڵێن بۆمبێـک له‌ بازاڕێـکی ناوداردا ته‌قیوه‌ته‌وه‌ له‌ نزیک سه‌ربازگه‌یه‌ک له‌ ئابوجای پایته‌ختی وڵات.

سه‌باره‌ت به‌ ڕووداوه‌که‌ گوته‌بێژێـکی پـۆلیس ده‌ڵێت 4 که‌س له‌ ته‌قینه‌وه‌که‌دا گیانیان له‌ده‌ستداوه‌ و هاوکات به‌ لای که‌م 13 که‌سیش برینداربوون.

هه‌ر له‌و باره‌یه‌وه‌ ته‌له‌فیزیۆنی نایجیری هه‌واڵی ته‌قینه‌وه‌که‌ ڕاده‌گه‌یه‌نێت و ده‌ڵێت 30 که‌س کوژراون، به‌ڵام ئه‌م هه‌واڵه‌ پـشـتڕاست نه‌کراوه‌.

کاربه‌ده‌سـتانی نایجیری ده‌ڵێن بۆمبه‌که‌ له‌ نێو بازاڕه‌که‌دا له‌و ده‌مه‌دا ته‌قیوه‌ته‌وه‌ کاتێـک هاوڵاتیان سه‌رگه‌رمی گێڕانی ئاهه‌نگی هاتنی سـاڵی نوێ بوون.

ئه‌وه‌ی شـایانی باسه‌ هیچ گرووپ و لایه‌نێـک به‌رپـرسیارێتی ئه‌نجامدانی کاری ته‌قینه‌وه‌که‌ی ڕانه‌گه‌یاندووه‌. هاوکات سه‌رۆکی نایجیری ئۆباڵی ئه‌نجامدانی ته‌قینه‌وه‌ بۆمبیـیه‌که‌ ده‌خاته‌ ئه‌سـتۆی گرووپی ئیسلامی ڕادیکاڵی ناسراو به‌ بۆکۆ حه‌رام.

بابه‌تی په‌یوه‌ندیدار

XS
SM
MD
LG