سکرتێری گشتی هاوپەیمانێتی ناتۆ یانس ستۆڵتنبێرگ دەڵێت هێرشی بە مەبەست بۆ سەر ژێرخانە هەستیارەکانی وڵاتانی هاوپەیمانان ڕووبەڕووی وەڵامێکی یەکلاکەرەوە دەبێتەوە، ئەمەش دوای ئەوەی وتی " کارێکی تێکدەرانە " هۆکاری دزەکردنی گاز بووە لە بۆری گازی نۆرد ستریمدا.
هاوپەیمانێتی ناتۆ لە بەیاننامەیەکدا گوتی " سەرجەم ئەو زانیارییانەی ئێستا لەبەردەستدان ئاماژە بەوە دەکەن کە ئەمە ئەنجامی کارێکی تێکدەرانەی بە مەبەست و بێباکانە و نابەرپرسانە بووە."
گوتیشی " هەر هێرشێکی بە مەبەست دژی ژێرخانە هەستیارەکانی هاوپەیمانان ڕووبەڕووی وەڵامێکی یەکگرتوو و یەکلاکەرەوە دەبێتەوە."
سەرچاوە/ ڕۆیتەرز
ستۆڵتنبێرگ: هێرشکردنە سەر ژێرخانە هەستیارەکانی وڵاتانی ناتۆ ڕووبەڕووی وەڵامێکی یەکلاکەرەوە دەبێتەوە
