Accessibility links

مەکسیک: وڵاتەکە 16 سەرباز دەستگیر دەکات کە دەستییان هەبووە لە ' کوشتنی ' پێنج کەسدا


وەزارەتی بەرگری مەکسیک دەڵێت 16 سەربازیی وڵاتەکە کە گوایە دەستییان هەبووە لە " کوشتندا " دەستگیرکراون، ئەوەش دوای ئەوەی لە گرتە ڤیدیۆیەکدا دەردەکەوێت کە سەربازەکان لە پێنج پیاو دەدەن و دواتر تەقەیان لێدەکەن.

ڕۆژی پێنجشەممە دادگایەکی سەربازیی مەکسیک فەرمانی دەستگیرکردنی سەربازەکانی دەرکرد کە دەستییان هەبووە لە " تاوانێکدا کە پێچەوانەی ئەرکی سەربازییە."

بڕیارەکە دوای ئەوە دێت ڕۆژی سێشەممە دەزگاکانی ڕاگەیاندن ڤیدیۆیەکییان بڵاوکردەوە کە کاتەکەی دەگەڕێتەوە بۆ 18 ی مانگی پێنج لە ویلایەتی تاماولیپاس و تیایدا کۆمەڵێک سەرباز دەوری ئوتومبێلێکی بارهەڵگرییان داوە، دوای ئەوەی ئوتومبێلەکە بە خێراییەکی زۆرەوە خۆی کێشاوە بە دیوارێکدا.

لە ڤیدیۆکەدا دەردەکەوێت سەربازەکان پێنج سەرنشینی ئوتومبێلەکە دەهێننە دەرەوە و لێییان دەدەن و دواتر دەیانبەنە لای دیوارێک. سەربازێکییان چەکێکی درێژ لە ئوتومبێلەکە دەردەهێنێت. دواتر سەربازەکان خۆیان دەشارنەوە و لە دوورەوە تەقە لە چەند ئامانجێکی نەبیندراو دەکەن، دواتر تەقە لە پێنج پیاوەکە دەکەن.

سەرچاوە/ ڕۆیتەرز

XS
SM
MD
LG