Accessibility links

مێرکڵ دەڵێت لۆمەی خۆی ناکات لەسەر ئەوەی بەتەواوەتی هەوڵی نەداوە بۆ ئۆکرانیا


ڕاوێژکاری پێشووی ئەڵمانیا ئانگێلا مێرکڵ
ڕاوێژکاری پێشووی ئەڵمانیا ئانگێلا مێرکڵ

ڕاوێژکاری پێشووی ئەڵمانیا ئانگێلا مێرکڵ دەڵێت کاتێک ڕاوێژکار بووە بەتەواوەتی هەوڵیداوە ڕێگە لە خراپبوونی ڕەوشەکەی ناو ئۆکرانیا بگرێت و وەکو ئەمەی ئێستای لێنەیەت، ئاماژەشی بەوەدا لۆمەی خۆی ناکات لەسەر ئەوەی هەوڵەکانی بەس نەبوون.

مێرکڵ لە چاوپێکەوتنێکدا لەگەڵ ڕۆژنامەنووس و نوسەری ئەڵمانی ئالکیساندەر ئۆسانگدا وتی " خەمێکی گەورەیە کە ئەوە سوودی نەبوو، بەڵام لۆمەی خۆم ناکەم لەسەر ئەوەی هەوڵم نەداوە."

مێرکڵ وتیشی هیچ بیانوویەک نیە بۆ " کارە دڕندانەکانی ڕووسیا لە ئۆکرانیا و ڕێزنەگرتنی لە یاسا نێودەوڵەتییەکان "، وتیشی دژایەتی ئەوەشی کردووە ڕێگە بدرێت ئۆکرانیا ببێتە ئەندام لە هاوپەیمانێتی ناتۆدا، چونکە ویستوویەتی ڕێگری بکات لە زیادبوونی گرژییەکان لەگەڵ ڕووسیادا و ئۆکرانیاش ئامادەی ئەو جۆرە ئەندامێتییە نەبووە.

سەرچاوە/ ڕۆیتەرز

XS
SM
MD
LG