Accessibility links

وتەبێژی مەی: زیادبوونی گرژییەکان لە کەنداو لە بەرژەوەندی هیچ کەسێکدا نیە


سەرۆک وەزیری بەڕیتانیا تێریزا مەی

وتەبێژی سەرۆک وەزیری بەڕیتانیا تێریزا مەی وتی هەر زیادبوونی گرژییەک لە ناوچەی کەنداو لەنێوان وڵاتانی ئەوروپا و ئێراندا لە بەرژەوەندیی هیچ کەسێکدا نیە، ئەمەش دوای ئەوەی ئێران هەڕەشەی وەڵامدانەوەی کرد لەسەر دەستبەسەراگرتنی کەشتیە نەوت هەڵگرەکەی ئێران لەلایەن بەڕیتانیاوە.

وتەبێژەکە وتی " هەڵوێستمان هەمیشە جێگیر بووە، زیادبوونی گرژییەکان لە کەنداو لە بەرژەوەندی هیچ کەسێکدا نیە و چەند جارێک ئەوەمان بە ئێرانییەکان ڕاگەیاندووە."

لە ماوەی ڕابردوودا ڕابەری باڵای ئێران ئایەتوڵا عەلی خامنەئی وتی ئێران وەڵامی " چەتە " دەریاییەکانی بەڕیتانیا دەداتەوە بەهۆی ئەوەی دەستیان گرتووە بەسەر کەشتیە نەوت هەڵگرەکەی ئێراندا لە جەبەل تاڕیق.

سەرچاوە/ ڕۆیتەرز

XS
SM
MD
LG