Accessibility links

دیسانه‌وه‌ له‌سه‌ر قه‌یرانی سوریا له‌ ته‌رابلوسی لوبنان شه‌ڕ هه‌ڵده‌گیرسێته‌وه‌


شـاری ته‌رابلوسی باکوری لوبنان دیسانه‌وه‌ بووه‌وه‌ گۆڕه‌پانی شه‌ڕ و پـێـکدادان له‌ نێوان لایه‌نگران و نه‌یارانی سه‌رۆکی سوریا به‌شـار ئه‌لئه‌سه‌د، وه‌ له‌ ئاکامدا نزیکه‌ی 7 که‌س کوژران و زیاتر له‌ 30 که‌سی دیکه‌ برینداربوون.

شه‌ڕه‌کان له ‌نێوان چه‌کدارانی هه‌ردوو ناوچه‌ی باب ئه‌لته‌بانه‌ی زۆرینه‌ سووننه‌ و جه‌به‌ل موحسنی زۆرینه‌ عه‌له‌وی لایه‌نگری ئه‌سه‌د ڕوویان دا.

سه‌رچاوه‌یه‌ک له‌ ئاسایشی لوبنانه‌وه‌ گوتوویه‌تی به‌هۆی شه‌ڕه‌ ته‌قه‌وه‌ هاتوچۆ له‌سه‌ر ڕێـگای نێوده‌وڵه‌تی نێوان باکوری لوبنان و سوریادا وه‌سـتاوه‌.

هێزێـکی له‌شـکری لوبنانیش هاتووه‌ته‌ نێوانیانه‌وه‌ و ته‌قه‌ له‌ هه‌ر چه‌کدارێـک ده‌که‌ن که‌ ته‌قه‌ بکات.

XS
SM
MD
LG