Accessibility links

سه‌عدی پیره‌؛فیتنه‌یه‌كی گه‌وره‌ به‌ڕێوه‌یه‌ ئه‌ویش له‌ئه‌نجامی ڕێگریكردن له‌ده‌ستاوده‌ستكردنی ده‌سه‌ڵات


سه‌عدی ئه‌حمه‌د پیره‌ وته‌بێژی فه‌رمی یه‌كێتی نیشتمانی كوردستان

سه‌عدی ئه‌حمه‌د پیره‌ وته‌بێژی فه‌رمی یه‌كێتی نیشتمانی كوردستان ده‌ڵێت" جۆرێك له‌كه‌ڵه‌گایی به‌دیده‌كرێت له‌و بڕیاره‌ ناده‌ستورییانه‌ی كه‌له‌په‌رله‌مان و حكومه‌تی عیراقیه‌وه‌ ده‌رچون سه‌باره‌ت به‌ هه‌ڵبژاردنه‌كانی عیراق له‌لایه‌ن هه‌ندێك هێز كه‌له‌ ئاوی شێلمدا مه‌له‌ده‌كه‌ن، به‌ڵام له‌گه‌ڵ ئه‌وه‌شدا ئێمه‌ وه‌ك یه‌كێتی نكوڵیمان له‌بڕیاری دادگا نیه‌، له‌ئه‌ژماركردنه‌وه‌ی ده‌نگه‌كان به‌ده‌ست چونكه‌ ده‌نگه‌كانی یه‌كێتی ئه‌گه‌ر زیادنه‌كات كه‌م ناكات، وه‌ ئه‌و ده‌نگانه‌ی یه‌كێتی له‌كه‌ركوك هێناوێتی كه‌مترن له‌ده‌نگی یه‌كێتی خۆی، هاوكات هۆشداری ده‌دات له‌وه‌ی وه‌ك خۆی ده‌ڵێت" له‌ئه‌نجامی ڕێگریكردن له‌ده‌ستاو ده‌ستكردنی ده‌سه‌ڵات فیتنه‌یه‌كی گه‌وره‌ به‌ڕێوه‌یه‌، هه‌روه‌ها باس له‌وه‌ش ده‌كات ئه‌و سێ كه‌سه‌ی له‌سه‌ر سته‌یجی په‌رله‌مانی عیراقبوون(ده‌سته‌ی سه‌رۆكایه‌تی په‌رله‌مان) كه‌سیان له‌م هه‌ڵبژاردنه‌ ده‌رنه‌چوونه‌ته‌وه‌."

سه‌عدی ئه‌حمه‌د پیره‌ وته‌بێژی فه‌رمی یه‌كێتی نستمانی كوردستان له‌ گفتووگۆیه‌كدا له‌گه‌ڵ به‌شی كوردی ده‌نگی ئه‌مریكا وتی" له‌ ئه‌نجامی ئه‌و گرژییه‌ی كه‌ له‌به‌غداد هه‌یه‌ ئه‌و مقۆمقۆیه‌ی هه‌یه‌ له‌نێوان لایه‌نه‌كان بووه‌ هۆی ئه‌وه‌ی كاریگه‌ری له‌سه‌ر دۆخی ئه‌منی به‌غداد هه‌بێت ئه‌وه‌بوو سه‌دان كه‌س بوونه‌ قوربانی ئێمه‌ له‌سه‌ره‌تاوه‌ ئه‌و كاره‌ تیرۆستیه‌ ئیدانه‌ ده‌كه‌ین سه‌ره‌خۆشی له كه‌سوكاری شه‌هیده‌كان و هیوای چاكبونه‌وه‌ بۆ برینداره‌كان ده‌خوازین، پێشبینی ده‌كه‌م گرژییه‌كان به‌ره‌و هه‌ڵكشانی زیاتر بچن فیتنه‌یه‌كی گه‌وره‌ به‌ڕێوه‌یه‌ ئه‌ویش له‌ ئه‌نجامی ڕێگرتن له‌ ده‌ستاو ده‌ستكردنی ده‌سه‌ڵات."

وته‌بێژی فه‌رمی یه‌كێتی نیشتمانی كوردستان ڕه‌خنه‌ی گرت له‌و بڕیار و یاسایانه‌ی له‌باره‌ی پێداچونه‌وه‌ به‌هه‌ڵبژاردنه‌كان له‌لایه‌ن په‌رله‌مانی عیراقی و حكومه‌ته‌وه‌ ده‌ركرا، ده‌ڵێت"جۆرێك له‌ كه‌ڵه‌گه‌یایی به‌دیده‌كرێت ئه‌ویش له‌ئه‌نجامی ئه‌و بڕیار و یاسا ناده‌ستوریانه‌یه‌ كه‌وه‌رده‌گیرێت، ئێمه‌ له‌سه‌ره‌تای ئه‌و بڕیاره‌ تا كۆتایی به‌ ناده‌ستوری ده‌زانین، چونكه‌ كۆبونه‌وه‌ی(كراوه‌) له‌و حاڵه‌تانه‌ نابێت ڕووبدات ، لایه‌نی به‌رپرسیاریش له‌ چاره‌سه‌ركردنی كێشه‌ی ساخته‌كاری كۆمسیۆنه‌ ئه‌گه‌ر كۆمسیۆنیش نه‌یتوانی دادگای ده‌ستوری هه‌ڵده‌ستێت به‌چاره‌سه‌ركردنی ئه‌و كێشه‌یه‌ و بڕیاری كۆتایی ده‌دات."

هه‌روه‌ها سه‌عدی پیره‌ وتی"ده‌ستنیشانكردنی دادوه‌ر هه‌م وه‌ك لایه‌نی جێ به‌جێكردن، هه‌م لایه‌نی بڕیار، دوای ئه‌وه‌ لێسه‌ندنه‌وه‌ی مافی ده‌نگدان له‌پێشمه‌رگه‌ و هه‌ڵوه‌شاندنه‌وه‌ی مافی ده‌نگدانی تایبه‌ت ئه‌وه‌ پاداشتی شه‌ڕی داعش بوو؟! به‌داخه‌وه‌ كه‌ده‌بوو سوپاسیان بكرێت به‌ڵام په‌رله‌مانی عیراق و هه‌ندێك هێز كه‌ له‌ ئاوی شێلمدا مه‌له‌ ده‌كه‌ن وه‌ هه‌ندێك كه‌سایه‌تی كوردیش خۆیان ده‌خه‌نه‌ گۆشه‌یه‌كی مردوو كه‌ ئه‌مه‌ زیان به‌كوردیش ده‌گه‌یه‌نێت، هاتن مافی ده‌نگدانیان له‌پێشمه‌رگه‌ سه‌نده‌وه‌."

سه‌عدی پیره‌ ئه‌وه‌شی وت" ئێمه‌ هیچ نكوڵیه‌كمان له‌ ئه‌ژماركردنه‌وی ده‌نگه‌كان نیه‌، هه‌رێمی كوردستانیش كه‌متر به‌ر ئه‌و شاڵاوه‌ ده‌كه‌وێت به‌ڵام ده‌نگه‌كانی یه‌كێتی ئه‌گه‌ر زیاد نه‌كات كه‌م ناكات، ئه‌و ده‌نگانه‌ی یه‌كێتی له‌كه‌ركوك هێناوێتی كه‌متره‌ له‌و ده‌نگانه‌ی كه‌ كه‌یه‌كێتی خۆی له‌كه‌ركوك هه‌یه‌تی به‌ڵام له‌به‌ر به‌شدارینه‌كردنی توركمان بوو له‌گه‌ڵ كه‌مبونه‌وه‌ی ده‌نگه‌كانمان به‌ڵام كورسیه‌كان وه‌ك خۆی ماوه‌، كه‌ له‌هه‌ڵبژاردنه‌كانی پێشتر هێنابومان."

وته‌بێژی فه‌رمی یه‌كێتی نیشتمانی كوردستان دووباره‌ ڕه‌خنه‌ی له‌ یاسا و بڕیاره‌كانی حكومه‌ت و په‌رله‌مان گرت و وتی" ئه‌وبڕیارانه‌ی حوكمه‌ت و په‌رله‌مانی عیراق دایان كوده‌تایه‌ له‌سه‌ر دیموكراسی و كۆمسیۆنی باڵا و شه‌رعیه‌ت، ئێمه‌ تانه‌ ناده‌ین چونكه‌ ئه‌وه‌ یاسایی نیه‌ ئیتر تانه‌ی بۆچیه‌؟ هیچ دادگایه‌كی دنیا نیه‌ ئه‌وه‌ قبوڵ بكات ، به‌دوری ده‌زانین دادگای فیدراڵی ئه‌وه‌ قبوڵ بكه‌ن."

سه‌عدی پیره‌ وتیشی" هه‌ندێك كه‌س هه‌ن كه‌ناتوانن زیانه‌كانی خۆیان ببینن كه‌سایه‌تی خۆیان هه‌ڵبسه‌نگێنن پێیان وایه‌ ده‌نگێكی زۆر ده‌هێنن ئه‌وان پێیان وایه‌ ده‌كه‌ونه‌ ناو ئه‌و بازاڕه‌ی كه‌له‌به‌غداد هه‌یه‌ كه‌بازاڕی كه‌سایه‌تیه‌ كوردییه‌كان نیه‌، با لێبگه‌ڕێین یاسا ڕێڕه‌وی خۆی وه‌ربگرێت هه‌ربڕیارێك به‌بێ ده‌ستوه‌ردانی حكومه‌ت و كه‌ڵه‌گایی هێزه‌ چه‌كداره‌كان و ئه‌و كۆبونه‌وانه‌ی په‌رله‌مان كه‌ هه‌رسێ كه‌سه‌كه‌ی له‌سه‌ر سته‌یچ بوون( سه‌رۆكی په‌رله‌مان دوو جێگره‌كه‌ی) ئه‌و كه‌سانه‌ن كه‌ده‌رنه‌چوون بدرێن، به‌ڵام كه‌سایانی یاسایی و دادگای باڵا ده‌ریبكه‌ن ئێمه‌ قبوڵمانه‌ و نكوڵیمان لێی نیه‌."

please wait

No media source currently available

0:00 0:05:13 0:00

XS
SM
MD
LG