Accessibility links

ئەندامێـکی پەرلەمانی هەرێمی کوردستان دەڵێت لە ناو پەرلەمان ئەشکەنجە دراوە

  • VOA News

ئەندامێکی پەرلەمانی هەرێمی کوردستان دەڵێت لە میانەی ئاڵۆزیـیەکانی شەوی یەکشەممەی ناو پەرلەمان براوەتە ژورێکی پەرلەمانەوە و لەوێ ئەشکەنجە دراوە، ئەمەش لەسەر ڕەخنەگرتن لە مەسعود بارزانی سەرۆکی هەرێمی کوردستان.

ڕابوون مەعروف لەسەر تویتەر خۆی بڵاویکردووەتەوە سیداد بارزانی برای مەسعود بارزانی هاتووەتە پەرلەمان و لە ژوری جێگری سەرۆکی پەرلەمان دایناوە و 10 بۆ 15 کەس بۆی هاتوون و بۆ ماوەی یەک کاژمێر ئەشکەنجەیان داوە. دەشڵێت ئەشکەنجەدانەکەیان بە ڤیدیۆ تۆمارکردووە.

پاشان نووسیوەیەتی ئەو کەسانە ویستوویانە بە زۆر ناچاری بکەن داوای لێبوردن لە مەسعود بارزانی بکات، بەڵام ئەم ئامادە نەبووە و ئەوانیش کەوتوونەتە لێدانی بە شتی جۆراوجۆر.

جێی ئاماژەیە ڕابوون مەعروف بەیانی یەکشەممە لە کۆنگرەیەکی ڕۆژنامەوانی لە پەرلەمان ڕەخنەی توندی لە مەسعود بارزانی گرت و گوتی " کاک مەسعود لە کاتێکدا دەسەڵاتەکانی دابەش دەکات بەسەر هەرێم، یەک کەس لەسەر ئەم ئەستێرەیە وەک سەرۆکی هەرێمی تەعامولی لەگەڵ ناکات، جگە لە حزبەکەی خۆی و مەکتەبی سیاسی یەکێتی نیشتمانی کوردستان و یەکگرتووی ئیسلامی."

XS
SM
MD
LG