که‌ریم به‌ختیاری ده‌ڵێت ناکرێت کۆنگره‌ ناوه‌کیـیه‌که‌ی تاران به‌وه‌ی واشنتن به‌راورد بکرێت

ڕۆژنامه‌وان که‌ریم به‌ختیاری ده‌ڵێت ئه‌م کۆنفرانسه‌ ناوکیه‌ی ئه‌مڕۆ شه‌ممه‌ له‌ تاران ده‌ستی پێکردوه‌ پێویسی نه‌ده‌کرد چونکه‌ ئێران ناتوانێت متمانه‌ به‌ کۆمه‌ڵگای نێونه‌ته‌وه‌یی بدات که‌ به‌رنامه‌ ناوکیه‌که‌ی به‌رنامه‌یه‌کی ئاشتیانه‌یه‌ و ده‌شڵێت ئه‌م کۆنفرانسه‌ی تاران ڕووی به‌راوردی نییه‌ له‌گه‌ڵ ئه‌و کۆنفرانسه‌ی پێشتر له‌ وڵاته‌ یه‌کگرتوه‌کانی ئه‌مریکا کرا.

له‌ میانه‌ی گفت و گۆیه‌کدا له‌گه‌ڵ هاوکارمان به‌ڵێن ساڵح، ڕۆژنامه‌وان به‌ختیاری ده‌ڵێت ده‌له‌گاسیۆنه‌کانی وڵاتانی به‌شدار له‌م کۆنفرانسه‌ ناوکیه‌ی ئێراندا له‌سه‌ر ئاستێکی نزمی نوێنه‌رایه‌تی کردن بوون و ته‌نها ژماره‌یه‌کی که‌می وڵاتان به‌ ئاستی پله‌ی وه‌زیر به‌شداری کۆنفرانسه‌که‌ بوون.

ده‌توانن گوێبیستی ده‌قی گفتوگۆکه‌ بن له‌ڕێی کلیککردنی ئه‌و فایله‌ ده‌نگیانه‌ی سه‌ره‌وه‌ی ده‌سته‌ چه‌پ، ماوه‌که‌ی 6:14 خوله‌که‌.