Accessibility links

شەش کەس لە ئوردن بە تۆمەتی پەیوەست بە داعش زیندانی دەکرێن

  • VOA News

دادگایەکی ئوردن بڕیاری زیندانیکردن و کاری قورسی بۆ 6 کەس داوە، ئەمەش بە تۆمەتی پەیوەست بە داعشەوە.

دادگای ئاسایشی دەوڵەتی ئوردن ئەمڕۆ چوارشەممە بڕیارەکەی ڕاگەیاند و تیایدا تۆمەتی هەوڵی پەیوەندیکردن بە داعشی ئاڕاستەی یەک لە تاوانبارەکان کرد و بەوەش بڕیاری دا بۆ ماوەی 2 ساڵ زیندانی بکرێت و کاری قورسی پـێبکرێت.

پـێنج کەسەکەی دیکە تۆمەتی پـرۆپاگەندە بۆ داعشیان ئاڕاستەکرا، دووانیان کە دوو بران و تەمەنیان لە بیستەکاندایە، هەریەکەیان حوکمی 2 ساڵ زیندانی درا لەگەڵ ئەنجامدانی کاری قورس. سێیانەکەی دیکەیان ئەوانیش بڕیاری 3 ساڵ زیندانی و کاری قورسیان بۆ درا.

جێی ئاماژەیە ئەم دادگایە هەفتانە چەند کەیسی پەیوەست بە گروپە تێرۆرستیەکانی وەکو داعش و بەرەی نوسرەی دەچێتە بەردەم.

دەسەڵاتدارانی ئوردن لە سەرەتای ئەمساڵەوە بڕیاریان دا ڕێوشوێنی توند لە دژی ئەوانە بگرنەبەر کە پـرۆپاگەندە بۆ داعش دەکەن، بە تایبەتی ئەوانەی لەسەر ئنتەرنێت ئەو پـرۆپاگەندانە دەکەن.

XS
SM
MD
LG