بەرپرسانی ناوخۆ و فیدڕاڵی ئەمەریکا دەڵێن بەهۆی کەوتنە خوارەوە و سوتانی فڕۆکەیەکی بچووکی کۆمپانیایەکەوە لە دەشتێکی نزیک فڕۆکەخانەیەک لە دەرەوەی ناوچەی لۆس ئانجلس سەرجەم شەش سەرنشینەکەی فڕۆکەکە گیانییان لە دەستداوە.
بەڕێوبەرایەتی فڕۆکەوانی فیدڕاڵ وتی فڕۆکەکە کە لە جۆری سیسنا سی 550 بووە، لە لاس ڤەیگاسەوە گەشتی کردووە و لە نزیک فڕۆکەخانەی فرێنج ڤالێیەوە کەوتۆتە خوارەوە، کە نزیکەی 85 کم لە باشووری لۆس ئانجلسەوە دوورە.
وردەکارییەکان سەبارەت بە سەرنشینەکان دەستبەجێ نەزاندراوە.
بەرپرسی ئۆفیسی پۆلیسی شارۆچکەی ڕیڤەرساید کە فڕۆکەخانەی فرێنچ ڤالێی تێدایە، وتی ئەو تیمانەی کە چوونەتە شوێنی کەوتنە خوارەوەی فڕۆکەکە بینیویانە فڕۆکەکە بە تەواوەتی گڕی تێبەربووە و سەرجەم شەش سەرنشینەکەی لە شوێنی ڕووداوەکەدا گیانییان لە دەستداوە.
سەرچاوە/ ڕۆیتەرز