به پێی ڕاپۆرتی ڕێکخراوی لیخۆش بوونی نێونه‌ته‌وه‌یی له ماوه‌ی 20 ساڵ دوای ئه‌وه‌ی حکومه‌تی ئێران په‌یمانی ڕێزگرتن له مافه‌کانی منداڵ ی په‌سند کردووه، کاربه‌ده‌ستانی ئێران هه‌روا یه‌کێک له هه‌ره پڕنسیبه‌کانی سه‌ره‌کی پێ شێل ده‌که‌ن که قه‌ده‌غه کردنی سزای له سێداره‌دان بۆ سه‌ر منداڵانی ژێر 18 ساڵی یه.
له ئه‌م وت و وێژه‌دا کاک ته‌یمور ئه‌لیاسی نوێنه‌ری کۆمه‌ڵی مافه‌کانی مرۆڤ بۆکوردستانی ئێران له ژنێڤ تیشک ده‌خاته سه‌ر کۆبوونه‌وه‌ی ئه‌م مانگه که تێیدا پێ شێلکرانی مافه‌کانی مرۆڤ له حکومه‌تی کۆماری ئیسلامی دا له ژنێڤ تا و تۆ کرا.
