بەپـێی دەزگا ئاسایشیـیەکانی ئەڵمانیا نەوجەوانێـکی بە ڕەچەڵەک عێراقی کە تەمەنی 12 ساڵە هەوڵی داوە دوو بۆمب بتەقێنێتەوە لە شارۆچکەی لودفیجشافنی ڕۆژئاوای وڵاتەکە کە تیایدا گەورەبووە.
پـۆلیس دەڵێت بۆمبێـکی پـڕ لە بزماری دروسـتکردبوو و لە ناو جانتایەکی پشـتدا دایناوە و لە 26 ی مانگی یازدە لە بازاڕێـکی دیاریـیەکانی کرسمس جێهێشتووە، بەڵام نەتەقیوەتەوە. لە 5 ی مانگی دوازدەش بۆمبێـکی لە نزیک بینای شارەوانی داناوە، بەڵام کەسێـک بینیویەیتی و پەیوەندی بە پـۆلیسەوە کردووە و بۆمبەکە پـوچەڵکراوەتەوە.
گۆڤاری فۆکسی ئەڵمانی ئەمڕۆ هەینی هەواڵەکەی بڵاوکردووەتەوە و دەڵێت سەرچاوە ئاسایشیـیەکان گوتویانە ئەم کوڕە هەرچەندە لە ئەڵمانیا لە دایکبووە، بەڵام مێشکی بە بیروبۆچوونی توندڕەوی پـڕکراوە. باسیشیان لەوە کردووە گومانیان هەیە کەسێـکی سەر بە داعش کە نازانن کێـیە ڕێنمایی کردبێت.
گوڤارەکە دەشڵێت بەڵگە هەن لە هاوینی ڕابردوو هەوڵی دابوو بەرەو سوریا بڕوات هەتا پەیوەندی بە چەکدارانەوە بکات.
گوتەبێژی داواکاری گشتی فیدراڵی لە کارلسروهە پـشتڕاستی کردەوە لێکۆڵینەوە لە کەیسەکەدا دەکرێت، بەڵام ئامادە نەبوو لێدوان بدات لەبارەی ئایا داعش پەیوەندی بە مەسەلەکە هەیە یان نا.
هوبەرت شتوبەر داواکاری گشتی ناوی کوڕەکەی ئاشکرا نەکرد، بەڵام گوتی لە ساڵی 2004 لە هەمان شارۆچکە لەدایکبووە و تەمەنی هی ئەوە نیـیە تاوانباربکرێت. گوتیشی دەزگای کاروباری کۆمەڵایەتی بایەخی پـێدەدەن، جەختی لەوەش کرد لێکۆڵینەوەکان بەردەوام دەبن هەتا بۆیان ڕوون ببێتەوە ئایا هیچ کەسێـکی دیکە لە پشـت مەسەلەکەوە هەیە یان نا.