Accessibility links

پەرلەمانی عێراق داوا لە حکومەتی وڵاتەکەیان دەکەن خشتەیەکی کاتی بۆ کشانەوەی هێزە بیانیـیەکان دابنێت


پەرلەمانی عێراق بڕیارێکی پەسەندکردووە کە تیایدا داوا لە حکومەتی وڵاتەکەیان دەکەن خشتەیەکی کاتی بۆ کشانەوەی هێزە بیانیـیەکان لە عێراق دابنێت.

ئۆفیسی سەلیم جبوری سەرۆکی پەرلەمانی عێراق ئەمڕۆ پـێنجشەممە لە بەیاننامەیەکدا نووسیویەتی پەرلەمان سوپاسی ئەو وڵاتانە دەکات کە پشتیوانیان لە عێراق کرد لە شەڕی دژی داعش وە لە هەمان کاتدا داوا لە حکومەت دەکەین خشتەیەکی کاتی بۆ کشانەوەی هێزە بیانیـیەکان لە وڵاتەکە دابنێت.

هیشام ئەلسهێل پەرلەمانتاری عێراق بە ئاژانسی دەنگ‌وباسی ڕۆیتەرزی گوتوە، حکومەت دەتوانێت بڕیار بدات مانەوەی ئەو هێزانە بۆ ساڵێک بێت یان دوو ساڵ.

سەرەتای مانگی دوو هاوپەیمانێتی نێودەوڵەتی ڕایگەیاند لە ساڵی 2018 ژمارەی هێزەکانی لە عێراق کەم‌دەکاتەوە، ئەمەش پاش ئەوەی داعش نزیکەی هەموو ناوچەکانی داگیریکردبوون لەدەست دا.

لە نێو هێزەکانی هاوپەیمانان لە عێراق نزیکەی 5 هەزار سەرباز هەن.

XS
SM
MD
LG