Accessibility links

ڕێناس جانۆ: ئامانجی سیاسی لە پشت لێسەندنەوەی متمانەیە لە هۆشیار زێباری


پەرلەمانتارێـکی فراکسیۆنی پارتی دیموکراتی کوردسـتان لە پەرلەمانی عێراق دەڵێت بڕیاری لێسەندنەوەی متمانە لە هوشیار زێباری وەکو وەزیری دارایی، هیچ گومانی تێدا نیـیە کە ئامانجی سیاسی لە پشتەوەیە نەک جێبەجێکردنی یاسا و دەسـتور.

ڕێناس جانۆ لە وتووێژێـکی تایبەتدا لەگەڵ نەجیب باڵایی لە بەشی کوردی دەنگی ئەمەریکا ئاماژەی بۆ ئەوەش کرد لەم کاتەی شەڕی داعش و قەیرانی دارایی لە وڵاتەکەدا هەیە، هیچ گونجاو نیـیە حکومەت هەرسێ وەزیری بەرگری و ناوخۆ و دارایی نەبێت.

پاشان هەیثەم ئەلجبوری، پەرلەمانتاری سەر بە دەوڵەتی یاسای تاوانبارکرد، ئەوەی تۆمەتەکانی گەندەڵی ئاڕاستەی هوشیار زێباری کرد لە دانیشتنەکەی 20 ی مانگی هەشتی ڕابردوو. گوتی ناوبراو خۆی لە ناو لیستی دەوڵەتی یاسای نوری ئەلمالیکیدایە کە ماوەی هەشت ساڵ سەرۆک وەزیر عێراق بووە و لە سەردەمیدا ملیاران دۆلار ....

هەروەها ڕێناس جانۆ پـرۆسەی دەنگدانەکەی بە نایاسایی و دەستوری ناودێردەکات و دەڵێت لە پەرلەمانی عێراق دوو جۆری پـرۆسەی دەنگدان لە پەرلەمان عێراق هەیە، یەکێـکیان دەست بەرزکردنەوە بە ئاشکرا و ئەوی دیکەیان بە ڕێگەی ئەلیکترۆنی، بەڵام ئەوەی ئەمڕۆ پـیادەکرا بە شێوازێـکی نهێنی لەسەر کاغەز بەڕێوەچوو، بەڵام باسی لەوەش کرد وەکو فراکسیۆنی پارتی دیموکراتی کوردسـتان بەشداریـیان لە پـرۆسەکەدا کرد.

please wait

No media source currently available

0:00 0:04:46 0:00

XS
SM
MD
LG