Accessibility links

سێ ئەمەریکایـیەکەی لە بەغدا ڕفێندرابوون ئازادکران


وەزارەتی دەرەوەی ئەمەریکا و کاربەدەسـتانی عێراق دەڵێن ئەو 3 ئەمەریکایـیەی کە مانگی ڕابردوو لە ناوچەی دۆرەی بەغدای پایتەخت ڕفێندرابوون، ئازادکران و هەرسێـکیان ڕادەسـتی باڵیۆزخانەی ئەمەریکا کران.

مارک تۆنەر گوتەبێژی وەزارەتی دەرەوەی ئەمەریکا ئەمڕۆ سێشەممە گوتی " بە ڕاستی دەستخۆشی لە حکومەتی عێراق دەکەین بۆ هەموو ئەو هەواڵانەی دایبوو بۆ ئازادکردنیان بە سەلامەتی."

کاربەدەستانی عێراق دەڵێن دەزگای موخابەراتی وڵاتەکەیان ئەو 3 ئەمەریکایـیەی ڕزگارکردووە کە بە ڕەچەڵەک عێراقین. هیچ وردەکاری زیاتر لەسەر چۆنێتی ڕزگارکردنەکەیان ڕانەگەیەندراوە.

جێی وەبیرهێنانەوەیە 18 ی مانگی ڕابردوو ئەم سێ کەسە لە لایەن کۆمەڵێـک چەکدارەوە لە گەڕەکی سحەی ناوچەی دۆرە لە ئەپارتمانێـکی گومان‌لێکراودا ڕفێندران. بەپـێی گەواهیدەران چەکدارەکان لە گروپە شیعەکان بوون.

XS
SM
MD
LG