Accessibility links

پەرلەمانی عێراق یاسایەکی نوێ بۆ هەڵبژاردنەکان پەسەند دەکات


سەرۆکی ئەنجومەنی نوێنەرانی عێراق محەمەد حەلبوسی
سەرۆکی ئەنجومەنی نوێنەرانی عێراق محەمەد حەلبوسی

ئەنجومەنی نوێنەرانی عێراق یاسایەکی نوێیان بۆ هەڵبژاردنەکان پەسەند کرد کە داواکارییەکی سەرەکی خۆپیشاندەران بووە تاوەکو هەڵبژاردنەکان زیاتر دروست بن، بەڵام سڕبوونی پڕۆسەی سیاسیی هێشتا کۆسپ دەخاتە بەردەم هەڵبژاردنی سەرۆکی کاتی حکومەت.

سەرۆکی ئەنجومەنی نوێنەران عێراق محەمەد حەلبوسی دوای دەنگدانەکە وتی " بە ناوی عێڕاق و بەناوی گەل و بەناوی شەهیدان و بەناوی قوربانیان و بە ناوی پەنابەرانەوە پەسەند کرا."

یاسا نوێیەکە کە پەرلەمان پەسەندی کرد ڕێگە دەدات دەنگدەران ئەندامانی پەرلەمان لەسەر بنەمای تاک هەڵبژێرن لەجیاتی ئەوەی لەسەر بنەمای لیستی حیزبەکان هەڵیبژێرن.

خۆپیشاندەرێکی لە گۆڕەپانی تەحریر لە ناوەڕاستی بەغداد وتی " ئەمە بڕیاری گەلە، ئەو گەلەی کە ئارامی گرت لە گۆڕەپانی تاحریردا و بڕیاری خۆیدا لەسەر ئەوەی دەبێت هەڵبژاردنەکان لە سەدا سەد تاکەکەسی بن."

خۆپیشاندەران تەنها داوای یاسایەکی نوێیان بۆ هەڵبژاردنەکان نەکردووە بەڵکو داواشیان کردووە هەموو نوێنەرە سیاسییەکانی ئێستا لاببرێن و سەرۆک وەزیرێکی سەربەخۆ دەست نیشان بکەن کە سەر بە هیچ حیزبێک نەبێت.

سەرچاوە/ ڕۆیتەرز

XS
SM
MD
LG