کاربەدەستانی هەریمی کوردستان دووشەمە بە ڕاستیان نەزانی کە وێران کردنی ماڵی عەڕەبەکان لە ئەو ناوچانەی کە لە دەستی داعش ڕزگاریان کردوون بەشێک لە پلانێکی ستراتژیک بێت.
ئەو لێدوانانە لە وەڵامی ڕاپۆرتی ڕێکخراوی چاودێری بە سەر مافەکانی مرۆڤ دا هاتن کە گوتی پێشمەرگەکان لە شەری جیهادییەکان لە باکووری عێڕاق بە شێوەیەکی نایاسایی ماڵەکانی عەڕەبیان لە گەلێک شارۆچکە و گوند دا وێران کردوون کە ڕەنگ بیت بە تاوانێکی شەڕ بزانرێن.
دیندار زێباری، بەرپرسی کومیتەیەکی حکومەتی هەرمی کوردستان، کە ئەرکی وەڵامدانەوە بە ڕاپۆرتەکانی بیانی یە بە ئاژانسی ڕۆیتێرزی گوت کە "هیچ مەبەستی ستراتژیک" بۆ خراپکردنی ماڵەکان لە گۆڕێ دا نیە.
ئەو هەروەها گوتی: "هێزەکان ئاسایشی حکومەتی هەریمی کوردستان خانوویەک خراپ دەکەن ئەگەر مسۆگەر بێت کە مینی تێدایە، و خراپ کردنی ماڵەکە وەک دواین ڕێگا چارە دەبێت کاتێک پووچەڵ کردنەوەی مینەکە دەری دەخات کە کارێکی گەلێک گرانە یان مەترسی یەکی گەورەی بۆ تیمەکانی ئەندازیاری ئێمە دەبێت."