Accessibility links

بەغدا و هەولێر دەڵێن هێزەکانی عێراق بەرەو ناوچەکانی کەرکوک جوڵەیان پێکراوە

  • VOA News

کاربەدەستانی کورد و عێراقی دەڵێن هێزەکانی عێراق دەستیانکردووە بە جوڵەکردن بەرەو بیرە نەوتیـیەکانی کەرکوک و سەربازگەیەکی لەشکری.

ئاژانسی دەنگ‌وباسی ڕۆیتەرز لە زاری کاربەدەستانەوە بڵاویکردووەتەوە کە جوڵەکردنەکە شەوی یەکشەممە لەسەر دووشەممە دەسـتیپـێکردووە.

موقەدەم سەڵاح ئەلکنانی ئەفسەر لە فیرقەی 9 ی لەشکری عێراق گوتویەتی ئامانجیان کونتڕۆڵکردنی فڕۆکەخانەی کەیوانە.

ئەنجومەنی ئاسایشی هەرێمی کوردستانیش لای خۆیەوە گوتویەتی هێزەکانی لەشکری عێراق و حەشدی شەعبی بە ئاڕاستەی تازەی باشوری کەرکوک دێنە پـێشێ و ئامانجیان چوونە ناو شارەکەیە و هەروەها کونترۆڵکردنی سەربازەگەی کەیوان و بیرە نەوتیـیەکانە.

نەجمەدین کەرێم پارێزگاری کەرکوک لە ڕێگەی چەند کەناڵێـکی کوردیـیەوە داوای لە خەڵکی کەرکوک کردووە بەرگری لە شارەکەیان بکەن.

بەپـێی میدیاکانی عێراقیش حەیدەر عەبادی سەرۆک وەزیری عێراق لە پاش کۆبوونەوەیەکی بچوک بڕیاری جوڵەکردنەکەی داوە. دەشڵێن داوای لە هێزەکانی کردووە هەموو هاوڵاتیانی کەرکوک بپـارێزن.

هەتا ئامادەکردنی ئەم هەواڵە هیچ شەڕ و پـێکدادانێک ڕووی نەداوە.

XS
SM
MD
LG