Accessibility links

یەکێتى بە جیا هەوڵى کاراکردنەوەى ئەنجومەنى پارێزگاى کەرکوک دەدات


بڕیارە سبەینێ سێشەمە، پێکهاتەى عەرەب و تورکمان و بەشێک لە ئەندامە کوردەکانى ئەنجومەنى پارێزگاى کەرکوک کۆبونەوەیەکى ڕاوێژکارى ئەنجام بدەن، بەڵام ئەندامانى پارتى بەشدارى کۆبونەوەکە ناکەن.

ئەحمەد عەسکەرى ئەندامى ئەنجومەنى پارێزگاى کەرکوک لە کوتلەى یەکێتى، بەدەنگى ئەمەریکاى ڕاگەیاند"کۆبونەوەکەى سبەینێ هەنگاوى یەکەمە بۆ کاراکردنەوەى ئەنجومەنى پارێزگاى کەرکوک."

سەبارەت بە بەشدارى کردنى ئەندامانى پارتى لەکۆبونەوەکەدا، عەسکەرى وتى"نامەیان بۆ ڕۆیشتووە، کەیفى خۆیانە بەشدارى دەکەن یان نا."

کۆبونەوەکەى سبەینێ ى ئەندامانى یەکێتى لەگەڵ عەرەب و تورکمان ، لەکاتێکدایە پارتیش بەجیا هەوڵى کاراکردنەوەى ئەنجومەن دەدات و بۆ ئەو مەبەستە وەکالەت بۆ عیرفان کەرکوکى کراوە بۆ رێکخستنى کۆبونەوەى ئەنجومەن.

کامەران کەرکوکى ئەندامى ئەنجومەنى پارێزگا لەکوتلەى پارتى، رەتیکردەوە بەشدارى کۆبونەوەکەى سبەینێ بکەن، وتى"کۆبونەوەکە لەلایەن جەماعەتى 16 ى ئۆکتۆبەرەوە دەکرێ، بەڵام هیچیان پێ ناکرێ."

دواى هەڵبژاردنى سەرۆک کۆمارى عێراق بێ رێککەوتنى پارتى و یەکێتى، ململانێکان بۆ کەرکوک گواستراونەتەوە و پارتى و یەکێتى بەجیا هەوڵى کاراکردنەوەى ئەنجومەنى پارێزگا دەدەن.

please wait

No media source currently available

0:00 0:01:47 0:00

XS
SM
MD
LG