Accessibility links

لایەنەکانى کەرکوک خۆیان بۆ دەستپێکردنى بانگەشەى هەڵبژاردن ئامادە دەکەن


حیزب و لایەن و پێکهاتەکانى کەرکوک ئامادەکاریان بۆ دەستپێکردنى بانگەشەى هەڵبژاردن کردووە، کە بریارە رۆژى شەمە بانگەشەى هەڵبژاردنى پەرلەمانى عێراق لەسەرجەم پارێزگاکانى عێراق دەست پێبکات.

رەوەند مەلا مەحمود جێگرى بەرپرسى مەڵبەندى کەرکوکى یەکێتى، بەدەنگى ئەمەریکاى راگەیاند"ئێمە رۆژى شەمە بە ئامادەبوونى کاندیدەکانمان ئاهەنگێکى خنجیلانە ئەنجام دەدەین، تێیدا بانگەشەى هەڵبژاردن لەکەرکوک دەست پێدەکەین."

وتیشى"لەچوارچێوەى بانگەشەى هەڵبژاردندا، ماڵ بە ماڵ دەگەرێین و هەوڵدەدەین خەڵک بۆ دەنگدان هانبدەین."

کوتلەى تورکمانیش خۆى بۆ دەستپێکردنى بانگەشەى هەڵبژاردن لەکەرکوک ئامادە کردووە، کە هەندێک لەکەسایەتیە تورکمانەکان لە نێو هێزە عێراقیە جیاجیاکاندا کاندیدن و لایەنەکانى تریش کوتلەکەى تورکمانیان لەکەرکوک بۆ هەڵبژاردن پێکهێناوە.

لاى خۆشیەوە ئیسماعیل حەدیدى سەرۆکى ئەنجومەنى سیاسى عەرەبى لەکەرکوک، بەدەنگى ئەمەریکاى راگەیاند"عەرەبى سونەدابەش بوون بۆ سەر لیستە جیاجیاکاندا، بەڵام بەهەموومانەوە خۆمان بۆ ئەنجامدانى بانگەشەیەکى بەهێز ئامادەکردووە."

چاوەروان دەکرێت رۆژى شەمەى داهاتوو لایەنەکانى کەرکوک بەچڕى دەست بە بانگەشەى هەڵبژاردن بکەن، بەتایبەت لایەنى عەرەبى و تورکمانى کەلەدواى روخانى بەعسەوە بۆ یەکەمجارە لەدەرەوەى دەسەڵاتى کوردى بەشدارى هەڵبژاردن دەکەن.

please wait

No media source currently available

0:00 0:02:16 0:00

XS
SM
MD
LG