Accessibility links

داعش خوێن و ماڵى کاکەییەکان حەڵاڵ دەکات


ویلایەتى کەرکوکى دەوڵەتى ئیسلامى لە عێراق و شام ناسراو بە داعش، بریارێکى دژى کاکەییەکان دەکردووە و سەر و ماڵى حەڵاڵ کردوون، هەروەها شەوى رابردووش هێزێکى گەورەى داعش کەوتە بەر بۆردومانى فرۆکەکانى هاوپەیمانان.

موقەدەم هیمدار عومەر بەرپرسى هەواڵگیرى هێزى پێشمەرگە لە رۆژئاواى کەرکوک، بەدەنگى ئەمەریکاى راگەیاند"داعش بە بریارى رەسمى خوێن و سەرماڵى کاکەییەکانى حەڵاڵ کردووە."

پێشتریش پیاوێک و دوو ژنى کاکەیى لەگوندێکى باشورى کەرکوک لەلایەن داعشەوە کوژران، هەروەها گەنجێک و ژنێکیشیان لەلایەن ئەو رێکخراوەوە لێ‌ رفێنراو و تائێستا چارەنوسیان نادیارە.

دروستبونى هەڕەشە لەسەر کاکەییەکان کە ژمارەیەک گوندیان لەباشورى کەرکوک هەیە، لەکاتێکدایە هێزێکى کاکەیى لەلایەن هەرێمەوە بۆ پاراستنى ئەو گوندانە پێکهێنراوە.

نەقیب بەدر ئیبراهیم ئەفسەرى هێزە کاکەییەکەى باشورى کەرکوک، بەدەنگى ئەمەریکاى راگەیاند"ئاگادارى بریارەکەى داعشین ، لەئێستاشدا کاکەییەکان بەشەوان پاسەوانێتى گوندەکانیان دەکەن بۆ دوورخستنەوەى مەترسى لەسەر ژیان و ماڵیان."

هاوکات موقەدەم هیمداد عومەر، روونیشیکردەوە شەوى رابردوو داعش هێزێکى زۆرى لەرۆژئاواى کەرکوک بۆ هێرشکردنە سەر سەنگەرەکانى پێشمەرگە کۆکردوەتەوە، بەڵام هێزەکەیان کەوتوەتە بەر بۆردومانى فرۆکەکان و زیانێکى گەورەیان بەرکەوتوە و هێرشەکەیان شکستى هێناوە.

حەڵاڵ کردنى سەر و ماڵى کاکەییەکان کە کەمینەیەکى ئاینین لەلایەن داعشەوە، لەکاتێکدایە پێشتریش هێزى پێشمەرگەى کاکەیى هەڕەشەى وەڵام دانەوەیان بۆ هەر هێرشێک کردووە گەر بکرێتە سەر کاکەییەکانى ناوچەکە.

please wait

No media source currently available

0:00 0:02:08 0:00

XS
SM
MD
LG