Accessibility links

ڕێگە بە گەڕانەوەى بارەگاى حیزبە کوردیەکان بۆ دیالە نادرێت


لە کاتێکدا ئەنجومەنى وەزیرانى عێراق نوسراوى ئاراستەى دام و دەزگا حکومیەکانى دیالە کردووە بۆ گەڕانەوەى بارەگاى حیزبە کوردیەکان، بەڵام بەشێک لە هێزە شیعیەکان ڕێگرن لە گەڕانەوەى بارەگاى حیزبە کوردیەکان بۆ ناوچەکوردستانیەکانى دیالە.

خەلیل خوداداد بەرپرسى کۆمیتەى جەلەولاى یەکێتى، بەدەنگى ئەمەریکاى ڕاگەیاند" نوسراوەکەى ئەنجومەنى وەزیرانى عێراق لەجەلەولا شاردراوەتەوە، وا دیارە دەیانەوێ رێگرى بکەن لە گەڕانەوەى بارەگاى حیزبە کوردیەکان."

لە رۆژى 16 ى ئۆکتۆبەرى ساڵى رابردووەوە، حیزبە کوردیەکان ناحیەکانى ( مەندەلى، جەلەولا، سەعدیە و قەرەتەپە)یان لەپارێزگاى دیالە جێهێشتووە، ئێستا دەیانەوێت بگەرێنەوە بۆ ئەو ناوچانە و رێگەیان پێنادرێت.

بەشێک لە حیزبە شیعیەکان نایانەوێ رێگە بەگەرانەوەى حیزبە کوردیەکان بۆ ئەو ناوچانە بدەن، هەربۆیە چەند مانگێک لەمەوبەر رێگەیان بۆ عەرەبە سونەکانى جەلەولا خۆشکرد تا دژى گەڕانەوەى ئەو حیزبانە خۆپیشاندان ئەنجام بدەن.

محەمەد سعود ئەندامى ئەنجومەنى ناحیەى قەرەتەپە، بەدەنگى ئەمەریکاى راگەیاند"یەکێتى نیشتیمانى بۆ کردنەوەى بارەگا، نوسراوێکى لەپارێزگارى دیالەوە بۆ ناحیەى قەرەتەپە هێناوە."

وتیشى"ناوەرۆکى نوسراوەکە ڕوون نەبووە، بۆیە بەرێوەبەرى ناحیە داواى روونکردنەوەى لەبارەى چۆنیەتى کردنەوەى بارەگاکە کردووە."

پاساوى رێگرى کردن لەگەڕانەوەى حیزبە کوردیەکان بۆ دیالە ئەوەیە، کەگوایە نایانەوێ جارێکى لەو ناوچانە پشێوى دروست ببێتەوە.

please wait

No media source currently available

0:00 0:02:45 0:00

XS
SM
MD
LG