Accessibility links

ئامانجى هێرشەکانى داعش لە کەرکوک و خورماتو ئاشکرا دەکرێت


داعش لە پەلاماردانى سەنگەرەکانى پێشمەرگە لە میحوەرەکانى کەرکوک و خورماتو بەردەوامە و شەوى سێشەممە لەسەر چوارشەممە هێرشى کردە سەر سەنگەرەکانى پێشمەرگە لە ناوچەى زەرگە لە باشوری ڕۆژئاوای خورماتو، وە دواى شەڕێکى قورس هێرشەکەى داعش تێکشکێنرا، بەڵام لە شەڕەکەدا 3 پێشمەرگە گیانیان لەدەستدا و 11 پێشمەرگەش برینداربوون.

رائید محەمەد ئەحمەد ئەفسەرى پێشمەرگە لە ناوچەى زەرگە، بە دەنگى ئەمەریکاى راگەیاند"پێشمەرگە شارەزاى چۆنیەتى شەڕى داعش بووە، هەربۆیە لە ئێستادا سەرقاڵى دروستکردنى قولەى سەربازین و داعش هێرش دەکات تا رێگرى لە دروستکردنى ئەو قولانە بکات."

وتیشى"داعش لە یەک کاتدا پەلامارى دوو رەبیە دەدات، چەند چەکدارێکیشیان بە نهێنى دەنێرنە نزیک رەبیەکان و بەنارنجۆک شەڕ دەکەن."

دواى تەواوبوونى شەڕەکەى شەوى رابردوو و تێکشکانى هێرشەکەى داعش، تەرمى چەکدارێکى داعش لە نزیک رەبیەکانى پێشمەرگە بەجێمابوو، هەروەها پێش هێرشەکەش هەواڵگیرى پێشمەرگە زانیاریان لەسەر بەڕێکەوتنى 5 ئۆتۆمبێل چەکدارى داعش هەبووە بەرەو سەنگەرەکانیان.

عەقید جمهور رۆستەم فەرماندەى پێشمەرگە لە دیالە، بە دەنگى ئەمەریکاى راگەیاند"هێرشە بەردەوامەکانى داعش لە کەرکوک و زەرگە بۆ ئەوەیە تا دەروازەیە بکەنەوە و هێز بەرەو دیالە بنێرن."

وتیشى"داعش ئاگادارە هێرش دەکرێتە سەر حەویجە، بۆیە دەیەوێت ژمارەى چەکدارەکانى لە حەویجە کەم بکاتەوە و ڕەوانەى حەمرینیان بکات."

داعش لە حەمرین ویلایەتى جەبەلى راگەیاندووە، دەیەوێت چەکدارەکانى بە ڕێگەى باشورى کەرکوک و زەرگەى سنورى خورماتودا ڕەوانەى دیالە و سنورى حەمرین بکات.

please wait

No media source currently available

0:00 0:02:23 0:00
Direct link

XS
SM
MD
LG