Accessibility links

حکومەتی عێراق ئەمنیەتی کەرکوک ڕادەستی پـۆلیسی فیدراڵی دەکات


حکومەتى عێراق ئەمنیەتى شارى کەرکوک لە سوپا وەردەگرێتەوە و رادەستى پۆلیسى فیدراڵى دەکات، فیرقەى 20 ى سوپاش کە فەرماندەکەى کوردە لە کەرکوکەوە بۆ شارى موسڵ دەگوێزێتەوە.

ئازاد جەبارى سەرۆکى لیژنەى ئەمنى لە ئەنجومەنى پارێزگاى کەرکوک، بە دەنگى ئەمەریکاى راگەیاند"رادەستکردنى ئەمنیەتى کەرکوک لە سوپاوە بۆ پۆلیسى فیدراڵى تەنها رۆڵ گۆڕینەوە و گۆڕینى جل و بەرگەکانیانە، ئەگینا هیچ جیاوازیەک لە نێوان ئەو هێزانەدا نیـیە."

سەرۆکى لیژنەى ئەمنى لە ئەنجومەنى پارێزگاى کەرکوک، بە پێویستى دەزانێت بۆ ئاساییکردنەوەى دۆخەکە، ژوورێکى هاوبەش لە پێشمەرگە و سوپا پێکبهێنرێت و سوپا ببرێتە دەرەوەى شارەکان، ئەمنیەتى ناو کەرکوکیش بە هاوبەشى بەڕێوەببرێت.

جەبارى وتى"ئەوان سەرەتا سەربازگەى کەیوان و نەوتیان ویست، ئەوەتا هەردووکیان برد، ئیتر بۆ ناچنە دەرەوە لە کەرکوک."

دواى 16 ى مانگی دە حیزب و دانیشتوانە کوردەکەى کەرکوک هەتا ڕادەیەک ئومێدیان بۆ گەڕایەوە، کاتێک حکومەتى عێراق کوردێکى بە فەرماندەى فیرقەى 20 ى سوپاى عێراق لە کەرکوک دانا، بەڵام دواى دەستبەکاربوونى فەرماندە کوردەکە، فیرقەکەى بۆ موسڵ گوازرایەوە.

شێرزاد کافرۆشى فەرماندەى فیرقەى 20 ى سوپاى عێراق کە ماوەى 10 رۆژە پۆستەکەى وەرگرتووە، بە دەنگى ئەمەریکاى راگەیاند"قاتعى کەرکوک رادەستى پۆلیسى فیدراڵى کراوە و ئێمە وەکو سوپاى عێراق قاتعى موسڵمان رادەستکراوە."

لە پاڵ پۆلیسى فیدراڵى دا، هێزێکى زۆرى دژە تیرۆرى عێراقیش لە نێو کەرکوکدا بوونیان هەیە، کە ئەمەش جێى ناڕەزایەتى حیزب و دانیشتوانە کوردەکەى ئەو شارەیە.

please wait

No media source currently available

0:00 0:02:05 0:00

XS
SM
MD
LG