دادگایەکی عێراق بڕیاری سزای لەسێدارەدان و زیندانی هەتاهەتایی بۆ 10 ژنی بیانی دەرکرد بە تۆمەتی ئەندامێتی لە نێو ڕێکخراوی داعش و کاری تێرۆرستی.
دادوەر عەبدولسەتار بەیرقدار ئەمڕۆ پـێنجشەممە ڕایگەیاند دادگای تاوانەکان لە بەغدا لەسەر تاوانی ئەندامێتی لە ڕێکخراوی تێرۆرستی داعش سزای لەسێدارەدانی بۆ 5 ژنی بیانی دەرکرد کە سیانیان خەڵکی قیرغستانن و دووانەکەی دیکەیان خەڵکی ئازەربایجانن.
گوتیشی 5 ژنی دیکە لەسەر تاوانی تێرۆرستی سزای زیندانی هەتاهەتایـیان بۆ دەرچووە. دووان لەو ژنانە ڕووسین و دووانی دیکەیان ئازەرین و یەکێکیان فەڕەنسیـیە.
جێی ئاماژەیە لەم مانگانەی دوایی عێراق بەپـێی مادەی چواری یاسای نەهێشتنی تێرۆر، کۆمەڵێک ژنی بیانی حوکم دا بە تۆمەتەکانی پەیوەست بە داعشەوە.