سوپای عێراق لە بەیاننامەیەکدا ئاماژەی بەوەدا دوو موشەکی کاتیوشا لە نزیک فڕۆکەخانەی بەغداد کەوتوونەتە خوارەوە بەڵام هیچ زیانێکی گیانیان لێنەکەوتۆتەوە، ئەمەش لە ماوەی چەند ڕۆژێکی کەمدا سێیەمین هێرشی لەوجۆرەیە بۆ سەر شوێنە هەستیارەکانی بەغدادی پایتەخت.
ڕۆژی شەممە موشەکێک لە ناوچەی سەوزی بەغداد کەوتە خوارەوە کە بینا حکومی و بیانییەکانیەکانی تێدایە و ڕۆژی پێنجشەممەش سێ موشەک لە هەمان ناوچە کەوتنە خوارەوە. هیچ کام لەو هێرشانەش زیانی گیانیان لێنەکەوتەوە.
لەلای خۆیەوە واشنتن گروپەکانی سەر بە ئێران بە بەرپرسیار دەزانێت لەم هێرشانە و تاوەکو ئێستا تارانیش هیچ لێدوانێکی ڕاستەوخۆی لەسەر ئەم هێرشانە نەداوە.
سەرچاوە/ ڕۆیتەرز