Accessibility links

هێڵێـکی ئاسـمانی فه‌ره‌نسی ده‌ست به‌ گه‌شته‌کانی خۆی بۆ به‌غدا ده‌کاته‌وه‌


وه‌زیری بازرگانی ده‌ره‌وه‌ی فه‌ره‌نسـا ئه‌ین ماری ئدراک له‌ ده‌می گه‌یشـتنی بۆ فڕۆکه‌خانه‌ی به‌غدا له‌ ڕێی فڕۆکه‌یه‌کی هێڵی ئاسـمانی فرانس ئیگڵه‌ ئه‌زۆر، یه‌کشه‌ممه‌ 31 ی ده‌ی 2010
وه‌زیری بازرگانی ده‌ره‌وه‌ی فه‌ره‌نسـا ئه‌ین ماری ئدراک له‌ ده‌می گه‌یشـتنی بۆ فڕۆکه‌خانه‌ی به‌غدا له‌ ڕێی فڕۆکه‌یه‌کی هێڵی ئاسـمانی فرانس ئیگڵه‌ ئه‌زۆر، یه‌کشه‌ممه‌ 31 ی ده‌ی 2010

فڕۆکه‌یه‌کی بازرگانی له‌ خۆرئاوای ئه‌وروپاوه‌ به‌ڕێـکه‌وتبوو له‌ عێراق نیشته‌وه‌ بۆ یه‌که‌مین جار له‌ ماوه‌ی نزیکه‌ی 20 سـاڵدا.

فڕۆکه‌ی کۆمپانیای هێڵی ئاسـمانی فرانس ئیگڵه‌ ئه‌زۆر له‌ فڕۆکه‌خانه‌ی چارڵس دی گۆل له‌ پاریسه‌وه‌ له‌ دره‌نگانێـکی ڕۆژی شه‌ممه‌ به‌ڕێـکه‌وتبوو له‌ به‌ره‌به‌یانی ئه‌مڕۆ یه‌کشه‌ممه‌ له‌ فڕۆکه‌خانه‌ی نێوده‌وڵه‌تی به‌غدا نیشته‌وه‌.

به‌رپـرسـان ده‌ڵێن ئه‌مه‌ یه‌که‌مین گه‌شـتی ئاسـمانیـیه‌ و تا ڕاده‌یه‌کی زۆر‌ مه‌راسیمی بووه‌ که‌ زۆربه‌ی سه‌رنشینه‌کان ڕێبه‌رانی دیپـلۆماتی و کارداری فه‌ره‌نسی بوون و هه‌روه‌ها وه‌زیری بازرگانی ده‌ره‌وه‌ی فه‌ره‌نسـا ئه‌ین ماری ئدراک که‌ له‌ نێو سه‌رنشینه‌کاندا بووه‌ ئه‌م بۆنه‌یه‌ی به‌ ڕۆژێـکی مێژوویی هاوکاری نێوان فه‌ره‌نسـا و عێراق ناوزه‌دیکرد.

هه‌رچه‌ندێـکه‌ کاره‌کانی خزمه‌تگوزاری هێڵه‌کانی ئاسـمانی نێوان پاریس و به‌غدا له‌ ماوه‌ی چه‌ند هه‌فته‌یه‌ک ئینجا ده‌سـتپـێده‌کات.

ئیگڵه‌ ئه‌زۆر (Aigle Azur) ته‌نها یه‌کێـکه‌ له‌ ژماره‌یه‌ک له‌ هێڵه‌کانی ئاسـمانی که‌ ده‌سـتیان به‌ فڕین به‌ره‌و به‌غدا کردووه‌.

هه‌ردوو هێڵی ئاسـمانی ئیمارات و ئیتحادیش له‌ سه‌ره‌تای ئه‌مسـاڵه‌وه‌ ده‌سـتیان به‌ فڕین بۆ به‌غدا کردووه‌.

XS
SM
MD
LG