ماڵی دوو پـۆلیسی برا له‌ موسه‌یه‌بی عێراق به‌سه‌ر خۆیان و خێزانه‌کانیه‌وه‌ وێران‌ده‌کرێت

پـۆلیسی عێراق ده‌ڵێت له‌ شـارۆچکه‌ی موسه‌یه‌بی پارێزگای بابلی باشوری وڵاته‌که‌ ماڵی دوو پـۆلیسی برا ته‌قێنراوه‌ته‌وه‌ و له‌ ئاکامدا 10 که‌س کوژراون.

پـۆلیس ده‌ڵێت ڕووداوه‌که‌ له‌ ناوچه‌ی حامیـیه‌ بووه‌ کاتژمێر چواری به‌ره‌به‌یانی پـێـنجشه‌ممه‌ بووه‌ کاتێـک دانیشـتوانی ماڵه‌که‌ له‌ شیرینی خه‌ودابوون، هێرشبه‌ره‌کان چوارده‌وری ماڵه‌که‌یان به‌ بۆمب چاندووه‌ و پاشـان ته‌قاندوویانه‌ته‌وه‌ و ماڵه‌که‌ به‌سه‌ر دانیشـتوانه‌که‌یدا وێرانبووه‌.

به‌پـێی هه‌واڵه‌کان دوو پـۆلیسه‌که‌ و هاوسه‌ره‌کانیان له‌گه‌ڵ شه‌ش منداڵیان له‌ ته‌قینه‌وه‌که‌دا گیانیان له‌ده‌سـتداوه‌.