Accessibility links

ئایەتوڵا خامەنەئی داوای کۆمەک و یارمەتی زیاتر بۆ دانیشتوانی سەرپێلی زەهاو دەکات

  • VOA News

ڕابەری باڵای کۆماری ئیسلامی ئێران سەردانی ئەو ناوچە هاوسنوریەی عێراقی کردووە کە بومەلەرزەکە لێیدا.

ئایەتوڵا عەلی خامەنەئی لەو سەردانەیدا داوای یارمەتی و کۆمەکی زیاتری کرد بۆ دانیشتوانی ناوچەکە.

بەهۆی ئەو بومەلەرزەیەی لە ناوچەی سەرپێلی زەهاوی دا لە هەرێمی کرماشان زیاتر لە 530 کەس کوژران و بە هەزاران کەسیش بریندار بوون.

ئایەتوڵا خامەنەئی ئەمڕۆ دووشەممە بە دانیشتوانی سەرپێلی زەهاوی گوتووە هێشتا دڵخۆس نییە بەو یارمەتی و بەدەنگەوەچوونەی هەبوون بۆ خەڵکی ناوچەکە، بەڵام خامەنەئی ستایشی دەستە و تاقمە فریاگوزارییەکانی کرد بۆ ئەو کارەی کردویانە بۆ ڕزگارکردنی زۆرێک لەوانەی لەناو دار و پەردووی پاش بومەلەرزەکە گیریان خواردبوو.

ئێران کەوتۆتە سەر هێڵی سەرەکی بومەلەرزە و لە ساڵی 2003 دا بومەلەرزەیەک بە هێزی شەش و لە دەدا شەش بە پێوانەی ڕێختەر لە شاری (بام) ی دا لە باشوری ئێران و 26 هەزار کەس بەهۆیەوە گیانیان لە دەستدا.

XS
SM
MD
LG