Accessibility links

ئێران ڕەخنە لە هەوڵەکانی ئەمەریکا دەگرێت بۆ ناساندنی ئیخوان موسلمین وەکو ڕێکخراوێکی تیرۆریستی


وەزیری دەرەوەی ئێران محەمەد جەواد زەریف

وەزیری دەرەوەی ئێران محەمەد جەواد زەریف لە دەوحەی پایتەختی قەتەڕ ڕەخنەی لە هەوڵەکانی ئەمەریکا گرت بۆ ناساندنی کۆمەڵەی ئیخوان موسلمین وەکو ڕێکخراوێکی تیرۆریستی بیانی.

زەریف بە ڕۆژنامەنووسانی وت " ئەمەریکا لە پێگەیەکدا نیە بتوانێت ئەوانی دیکە وەکو ڕێکخراوی تیرۆریستی بناسێنێت و ئێمە هەر هەوڵێکی ئەمەریکا بۆ ئەو بابەتە ڕەت دەکەینەوە. ئەمەریکا پشتیوانی لە گەورەترین تیرۆریست دەکات لە ناوچەکەدا، ئەویش ئیسڕائیلە."

ڕۆژ سێشەممە کۆشکی سپی ڕایگەیاند سەرۆک دانۆڵد ترامپ کاردەکات بۆ ناساندنی کۆمەڵەی ئیخوان موسلمین وەکو ڕێکخراوێکی تیرۆریستی و ئەوەش لەوانەیە ببێتە هۆی سەپاندنی سزا بەسەر کۆنترین کۆمەڵەی ئیسلامیدا لە میسڕ.

سەرچاوە/ ڕۆیتەرز

XS
SM
MD
LG