جێگری سەرکردەی سوپای پاسدارانی ئێران جەنەڕاڵ حسێن سەلامی وتی ئێران دەتوانێت لەنێوەندی سزاکاندا ببوژێتەوە و شکست بە ئەمەریکا بهێنێت لەو جەنگە ئابوورییەدا کە ئەمەریکا دژی ئێران هەڵیگیرساندووە.
دەزگای هەواڵی کۆماری ئیسلامی لە زاری سەلامییەوە بڵاویکردەوە " دوژمن هەوڵدەدات لەڕێی جەنگی ئابوورییەوە لە ئێران بدات بەڵام شکست دەهێنێت."
وتیشی " ئێران دەتوانێت لە هەر بوارێکیدا کە ئەمەریکا سزای سەپاندووە بەسەریدا پێشبکەوێت."
لە چوارچێوەیەکی جیادا سەلامی باسی لە حیزبوڵای لوبنانی کرد و وتی ئیسڕائیلی کردۆتە ناو قەفەسی مەرگەوە، وتی " ئەمڕۆ ئیسڕئیل گەمارۆدراوە و لەنێوان ژیان و مەرگدا دەسوڕێنەوە."
جێی ئاماژەیە ئێران و حیزبوڵا پشتیوانیکەرێکی سەرەکی سەرۆکی سوریا بەشار ئەسەدن، ئیسڕائیلیش کۆمەڵێک هێرشی کردۆتە سەر هێزەکانی ئێران و ئەو چەکدارانەی کە سەر بە ئێرانن لە ناو سوریادا.
سەرچاوە/ ڕۆیتەرز