په‌یوه‌ندیـیه‌کانی نێوان تورکیا و ئێران گرژی تێـده‌که‌وێت

له‌وه‌تای ئانکه‌ر قایل بووه‌ به‌شـداری له‌ سیسته‌می ڕاداری زوو ئاگادارنه‌وه‌ی ناتۆدا بکات، په‌یوه‌ندیـیه‌کانی نێوان ئێران و تورکیا گرژی تێـکه‌وتووه‌.

ئێران ده‌ڵێت ئه‌و سیسته‌می به‌رگری دژه‌ موشه‌که‌ به‌ مه‌به‌سـتی پاراسـتنی ئیسرائیله‌ و ئامانجی موشه‌که‌کانی ئێرانه‌.

له‌و باره‌یه‌وه‌ جێـگری سه‌رۆکی ستوونه‌ هاوبه‌شه‌کانی له‌شـکری ئێران مه‌سعود جه‌زائیری ئاگاهی داوه‌ و ده‌ڵێت ڕه‌نگه‌ تورکیا دووچاری کاردانه‌وه‌ی پـێچه‌وانه‌ بـبێته‌وه‌. ده‌ڵێت پـێویسته‌ ئانکه‌ره‌ به‌و بڕیاره‌یدا بچێته‌وه‌.