Accessibility links

ڕۆحانی: قاسم سولەیمانی هەوڵی بەدیهێنانی سەقامگیری داوە لە ناوچەکەدا


سەرۆکی ئێران حەسەن ڕۆحانی

سەرۆکی ئێران حەسەن ڕۆحانی وتی سەرکردەی سەربازیی ئێران قاسم سولەیمانی کە لە هێرشێکی ئاسمانی ئەمەریکادا لە بەغداد کوژرا هەوڵی بەدیهێنانی سەقامگیری داوە لە ڕۆژهەڵاتی ناوەڕاستدا.

ڕۆحانی لە وتارێکدا وتی " سەرکردە سولەیمانی پیاوێک بوو هەوڵی بەدیهێنانی سەقامگیری و هێمنی ناوچەکەی دەدا. قاسم سولەیمانی ئەگەر بیویستایە جەنەڕاڵە ئەمەریکییەکان بکوژێت ئەوا زۆر ئاسان بوو بۆی، لە عێراق و لە ئەفغانستان و ناوچەکانی دیکەش، بەڵام هەرگیز ئەوەی نەکردووە."

ڕۆحانی ئاماژەشی بەوەدا ئامانج لە بەرنامە موشەکیە باڵیستیکیەکەی ئێران هێرش کردنە سەر هیچ وڵاتێکی دراوسێ نیە، لەوانەش سعودیە و هاوپەیمانەکانی لە کەنداو کە ڕکابەری تارانن لە ناوچەکەدا.

وتیشی " موشەکەکانمان دژی تیرۆریستانن، موشەکەکانمان دژی تاوانەکانن. هەرگیز موشەکمان بۆ دوژمنکاری دروست نەکردووە. هەموو دراوسێ و گەلانی ناوچەکە دڵنیا دەکەینەوە ئارەزووی ئێمە پێکەوە ژیان و ئاشتەواییە."

سەرچاوە/ ڕۆیتەرز

XS
SM
MD
LG