وەزیری دەرەوەی ئێران محەمەد جەواد زەریف ڕۆژی یەکشەممە ڕاگەیاندنێکی فەرەنسای ڕەتکردەوە لەسەر ئەوەی تاران لە پرۆسەی دروستکردنی چەکی ناوکیدایە، و بە "تەواوەتی بێمانا" ناودێری کرد.
وەزیری دەرەوەی فەرەنسا ژان ئێڤ لێ دراێن لە وتووێژێکیدا لەگەڵ گۆڤاری لو دیمانچ کە لە ڕۆژی شەممە بڵاو کراوەتەوە، دەڵێت ئێران توانایی چەکی ناوکی پتەودەکات و پێویستە تاران و واشنتن بگەڕێنەوە سەر ڕێککەوتنە ناوکییەکەی ساڵی 2015.
زەریف لە تویتێکدا کە تیایدا ئاماژەی بە هاوشانە فەرەنساییەکەی کردووە دەڵێت " هاوکاری بەڕێز: تۆ بە چک فرۆشتن بە تاوانبارانی شەڕی سعودی دەستتکردن بە کاری وەزارەتەکەت. خۆت دوور بگرە لە شتی تەواو بێمانا لەسەر ئێران."
حکومەتەکەی سەرۆکی فەرەنسا ئیمانوێل ماکرۆن لەلایەن چەند وڵات و گروپەکانی مافی مرۆڤەوە ڕەخنەی لێگیراوە لەسەر پشتیوانی کردنی لە کردارەکانی عەرەبستانی سعودیە و ڕێگەدان بەوەی ئەو چەکانەی بە ڕیازی فرۆشتووە ڕەنگە لە شەڕی یەمەندا بەکاربێن.
زەریف لە تویتەکەیدا ئاماژە بە پۆستی پێشتری لێ دراێن دەکات کاتێک وەزیری بەرگری وڵاتەکەبوو و دەڵێت " بەدواداچوونی ڕاستییەکان: تۆ هەرێمەکەمان ناسەقامگیر دەکەیت. وازبهێنە لە پاراستنی ئەو تاوانبارانەی ڕەخنەگرانیان بە میشاردەبڕن و قۆڵی ئێوە بۆ سەربڕینی منداڵانی یەمەن بەکاردەهێنن."
ئێران کە نکۆڵی لەوە دەکات هەوڵی دروستکردنی بۆمبی ناوەکی دەدات ، ڕۆژی شەممە بەیاننامەیەکی سێ لایەنی زلهێزی ئەوروپای ڕەت کردەوە کە هۆشداریاندایە کۆماری ئیسلامی لە دژی دەسپێکردنی کارکردن لەسەر سووتەمەنی کانزای یۆرانیۆم بۆ ڕایکتەرێکی توێژینەوە و ڕایانگەیاند ئەمە پێشێلکارییە لە ڕێککەوتنە ناوکییەکەو هەلومەرجی ڕژدی لەشکری لێدەکەوێتەوە.
زەریف ڕەخنەی لە فەرەنسا، ئەڵمانیا و بەریتانیا گرت، کە لە ڕێککەوتنەکەدا لەگەڵ چین و ڕویسا ماونەتەوە، بۆ ئەوەی نەیانتوانیوە لە سالێ 2018 پەیڕەوەی ڕێککەوتنەکە بکەن لەوکاتەوەی سەرۆکی ئەمەریکا دانۆڵد ترامپ یەکلایەنانە لە ڕێککەوتنەکە کشایەوەو سزاکانی بەسەرئێراندا سەپاندەوە.
سەرۆکی هەڵبژێردراو جۆو بایدن، کە لە 20 ی ئەم مانگە سوێندی یاسایی دەخوات، بەڵێنی داوە ئەمەریکا بگێڕێنێتەوە نێو ڕێککەوتنەکە " ئەگەر ئێران بە توندی دەستبکاتەوە بە وابەستەبوونی بە ڕێککەوتنەکەوە" کە بەپێی ئەوە پێویستە ئێران چالاکییە ناوکییەکانی زۆر سنوردار بکات لە بەرامبەر هەڵگرتنی سزاکان لەسەری.
لەبەرامبەر ڕێبازی " ئەوپەڕی فشاری" سەرۆک ترامپ ، ئێران وردە وردە بەسێکی زۆری بەندەکانی ئەو ڕێککەوتنەی شکاند. بڵام تاران دەڵێت دەشێت دەستبەجێ ئەو هەنگاوانە بگێڕێتەوە ئەگەر سەرەتا واشنتن سزاکان لادات.