ئێران دهڵێت دهستیکردووه به گواستنهوهی کهرهستهکانی که له پیتاندنی سوتهمهنی بهکاردههێنێت بۆ کارگهیهکی ژێر زهوی که ههتا ساڵی 2009 نهێنی بووه.
بهڕێوهبهری ئاژانسی ناوکی ئێران فهرهیدون عهباسی ئهمڕۆ شهممه به تهلهفیزیۆنی حکومهتی ڕاگهیاند سهنتهر فیوجهکان له کارگهی ناتانزهوه بۆ فۆردۆی نزیک شاری قوم ڕهوانه کراوه.
عهباسی گواستنهوهکهی له مانگی شهشـدا ڕاگهیاند و گوتی ئهو کاره به چاودێڕی ئاژانسی وزهی ئهتۆمی نێو نهتهوهیی دهکریت.
ئێران تهنها بوونی دهزگاکهی ئاشکرا کردبوو ئهمهش له کاتێکدا که ئاژانسهکانی ڕؤژئاوای ڕایانگهیاند که سازگهی ناوکی نهێنی ههیه.
شایانی باسه وڵاتانی ڕۆژئاوا له ههوڵێکیاندا بۆ فشارخستنه سهر ئێران تاوهکو بهرنامه ناوکییهکهی ڕابگرێت ژمارهیهک سزایان بهسهریدا سهپاندووه.
ئێران نکوڵی له ههوڵي بهدهستهێنانی چهکی ناوکی دهکات و دهڵێت بهرنامهی پیتاندنی یۆرانیۆمی بۆ بهرههمهێنانی وزه و دهزگای تهندروستییه.