Accessibility links

ئێران بە فەرمانی عەلی خامەنەئی بڕێکی زۆری ئاوی ڕووبارەکان بۆ عێراق دەبڕێت


ئاژانسی دەنگ‌وباسی تەسنیمی ئێران دەڵێت جێگری وەزیری گشتوکاڵ وڵاتەکەیان گوتوویەتی بە فەرمانی ئایەتوڵڵا عەلی خامەنەئی ڕابەری باڵای ئێران نزیکەی 7 ملیار مەتر سێجا ئاو ڕێگەی لێدەگیرێت لە سنوورەکانی ڕۆژئاوا و باکوری ڕۆژئاوای وڵاتەکەیان بچێتە دەرێ، ئەمەش ئەو ئاوانەیە کە لە خاکی ئێرانەوە دەچنەوە سەر ڕووباری دیجلەی ناو عێراق.

عەلی موراد ئەکبەری گوتوشیەتی بۆ کۆنترۆڵکردنی ئاڕاستەی ئاوەکان 8 ملیار دۆلار بۆ هەردوو وەزارەتی وزە و کشتوکاڵ تەرخانکراوە.

باسی لەوەش کردووە ئەو ئاوە بەکاردەهێنن بۆ 3 پـرۆژەی سەرەکی ناو وڵاتەکەیان لە خوزستان و ئیلام.

جێی ئاماژەیە لە چەندان ڕووبارەوە ئاو لە ئێرانەوە دێنە ناو خاکی عێراق و ساڵ لە دوای ساڵ بڕی ئاوەکانیان کەمیان کردووە، بە تایبەتی لە هەرسێ ڕووباری زێی بچوک و سیروان و ئەڵوەند لە ناوچەکانی کوردستان.

XS
SM
MD
LG