دوو بەرپرسی ئێران وتیان ئێران دەیەوێت لە سەرەتادا بەلایەنی کەمەوە ڕۆژانە 700 هەزار بەرمیل نەوت هەناردە بکات و دواتر بتوانێت 1.5 ملیۆن بەرمیل هەناردە بکات ئەمەش لەکاتێکدا ڕۆژئاوا بیەوێت لەگەڵ تاراندا وتوێژ بکات بۆ ڕزگارکردنی ڕێکەوتنە ناوەکییەکەی ساڵی 2015.
بەرپرسێکی باڵای ئێران وتی " وەکو دەستپێشخەرییەکی نیازپاکی و پلاندان بۆ ڕەخساندنی هەلێک بۆ وتوێژەکان، وەڵامی پێشنیارەکەی فەڕەنسامان دایەوە. دەمانەوێت ڕۆژانە 700 هەزار بەرمیل نەوت هەناردە بکەین و پارەکەمان بە کاش بەدەست بگات. ئەمە تەنها سەرەتایە. دەبێت بگەین بەوەی ڕۆژانە 1.5 ملیۆن بەرمیل هەناردە بکەین."
بەرپرسی دووەم وتی " وتوێژ سەبارەت بە بەرنامە موشەکییە باڵیستیکییەکەی ئێران ناکەین و ئەوە ڕوونادات. ئەوەمان بە ڕاشکاوانە ڕوون کردۆتەوە."
سەرچاوە/ ڕۆیتەرز